სტარმერი - გავაგრძელებთ რუსეთისადმი მოწოდებას, რომ პოლიტიკური გამოხატვის თავისუფლება დაიცვას

2024-08-02 10:48:00, 499 ნახვა

მსოფლიო

დიდი ბრიტანეთის ახალი პრემიერ-მინისტრი კირ სტარმერი რუსეთში დაკავებული პატიმრების გათავისუფლებას ეხმაურება.

სტარმერი აღნიშნულთან დაკავშირებით სოციალურ ქსელ X-ზე მცირე განცხადებას აქვეყნებს.

"მივესალმები რუსეთში დაკავებული რამდენიმე პატიმრის გათავისუფლებას, მათ შორის ვლადიმერ ყარა-მურზას, პოლ უილანისა და ევან გერშკოვიჩის. ჩემი ფიქრები მათთან და მათ ახლობლებთანაა, რომლებთან ერთადაც ისინი კვლავ გაერთიანდნენ. ჩვენ გავაგრძელებთ რუსეთისადმი მოწოდებას, დაიცვას პოლიტიკური გამოხატვის თავისუფლება",- წერს დიდი ბრიტანეთის პრემიერ-მინისტრი.

შეგახსენებთ, თურქეთის დედაქალაქ ანკარაში რუსეთსა და დასავლეთის ქვეყნებს შორის პატიმრების გაცვლა მოხდა. გაცვლის პროცესში 26 პირი მონაწილეობდა. რუსეთმა დასავლეთის ქვეყნებს 16 ადამიანი გადასცა, მათ შორის არიან: რუსეთში დაკავებული Wall Street Journal-ის რეპორტიორი ევან გერშკოვიჩი; პოლიტიკოსები ილია იაშინი და ვლადიმირ ყარა-მურზა; რუსი ოპოზიციონერის, ალექსეი ნავალნის შტაბების ყოფილი უფროსები ლილია ჩანიშევა; ქსენია ფადეევა და ვადიმ ოსტანინი; აშშ-ის ყოფილი სამხედრო მოსამსახურე პოლ უილანი. ამასთან, გერმანიამ რუსეთს გადასცა ვადიმ კრასიკოვი, რომელიც საქართველოს მოქალაქის, ზელიმხან ხანგოშვილის მკვლელობისთვის იყო მსჯავრდებული.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,