„ქართული ოცნების“ აღმასრულებელი მდივანი და საპარლამენტო უმრავლესობის ლიდერი მამუკა მდინარაძე ტერორიზმისა და სახელმწიფო გადატრიალების საქმეზე მიმდინარე გამოძიების შესახებ ჟურნალისტებთან საუბრობს.

მდინარაძის თქმით, საქმეზე გამოკითხულმა პირებმა იცოდნენ, რომ საქმე ტერორიზმის მუხლით მიდიოდა.

როგორც მან აღნიშნა, "მინიმუმ ძალიან საეჭვოა, რომ ტელევიზიები, პოლიტიკოსები და თავად მოწმეები არ ამბობდნენ ამ ყველაფერს".

"ერთი წამით დავუშვათ, რომ ვთქვათ სანამ გამოკითხვაზე მივიდოდნენ, არ იცოდნენ, რომელიმე მოწმე არ იყო საქმის კურსში, გამოკითხვიდან გამოსულებმა ხომ უკვე ყველამ იცოდა, რომ საქმე ტერორიზმის მუხლით მიდიოდა. ტელევიზიები, პოლიტიკოსები, რომლებიც ამაზე კომენტარებს ერიდებოდნენ, თავად მოწმეები რატომ არ ამბობდნენ ამ ყველაფერს, მინიმუმ ძალიან საეჭვო არ არის? ამაში გაიშიფრნენ ისინი.

ჯერ ერთი, ყველა საქმის კურსში იყო, რაში იყო საქმე, რომ თურმე ბიძინა ივანიშვილის და "ოცნების" სხვა ლიდერების მკვლელობას, აფეთქებას და ტერორისტულ აქტებს გეგმავდნენ და ამის მეშვეობით სახელმწიფო გადატრიალებას. მაინც და მაინც ტერორიზმის მუხლს არ ახსენებდნენ. გაუთქმელობა ტერორიზმის მუხლს ეხებოდა და შეთქმულებას არა? ეს რანაირი არგუმენტია? ტელევიზიების ნარატივები ნახეთ პირველი-ორი დღე.

მხოლოდ შეთქმულებაზე ლაპარაკობდნენ და როცა გამოჩნდა, რომ ტერორიზმის მუხლიც იყო, მერე დაიწყეს ამაზე საუბარი. სუს-მაც დაადასტურა ტერორიზმისა და შეთქმულების მუხლიც, შემდეგ დღეებში თვითონვე ადასტურებდნენ, მაგრამ პირველ დღეებში რატომ დამალეს მაინც და მაინც ტერორიზმი, უკან გამოსულებმა ხომ იცოდნენ?" - განაცხადა მამუკა მდინარაძემ.

ავტორი: NS (სტატია დაფინანსებულია),

სოციალური ქსელები

საგამოძიებო: ორ სხვადასხვა კორუფციულ საქმეზე ორი პირი დავაკავეთ

კობახიძე კვლავ ცდილობს ცენზურის სამმართველოს მუშაობა გაამართლოს

კობახიძე - ბატონი ფიშერი იყო ერთადერთი ელჩი, რომელმაც არათუ არაფერი გააკეთა ამ ურთიერთობების განვითარებისთვის, არამედ ყველაფერი გააკეთა იმისათვის, რომ დაზიანებულიყო ურთიერთობები

ფიშერი - ჩვენი უფლებამოსილების ვადა საქართველოში დასრულდა - მადლობა, ბედნიერად და Auf Wiedersehen