"დიდი შვიდეულის" ქვეყნებმა ღაზაში ცეცხლის შეწყვეტას მხარი დაუჭირეს. 

მათ მიერ გავრცელებული განცხადების თანახმად, "დიდი შვიდეულის" ქვეყნები "ჰამასს“ ამერიკის შეერთებული შტატების პრეზიდენტის, ჯო ბაიდენის მიერ წარდგენილ გეგმაზე დათანხმებისკენ მოუწოდებენ.

"ჩვენ, "შვიდეულის ჯგუფის" (G7) ლიდერები სრულად ვუჭერთ მხარს და დავდგებით პრეზიდენტ ჯო ბაიდენის მიერ გამოკვეთილი ყოვლისმომცველი შეთანხმების გვერდით, რომელიც ღაზაში ცეცხლის დაუყოვნებლივ შეწყვეტას, ყველა მძევლის გათავისუფლებას, ჰუმანიტარული დახმარების მნიშვნელოვან და მდგრად ზრდას გამოიწვევს, ასევე ისრაელის უსაფრთხოების ინტერესებისა და ღაზას მოსახლეობის ინტერესების გათვალისწინებით, კრიზისის სამუდამოდ დასრულებას. ჩვენ კიდევ ერთხელ ვადასტურებთ ჩვენს მხარდაჭერას მშვიდობისკენ მიმავალი სანდო გზის მიმართ, რომელიც ორი სახელმწიფოს გადაწყვეტილებამდე მიგვიყვანს.

ჩვენ მოვუწოდებთ "ჰამასს“, რომ დათანხმდეს ამ შეთავაზებას, რომლის განსახორციელებლადაც ისრაელი მზად არის. ჩვენ ასევე მოვუწოდებთ ქვეყნებს, რომლებსაც გავლენა აქვთ "ჰამასზე“, დაეხმარონ მათ ამის განხორციელებაში“, - აღნიშნულია განცხადებაში.

ავტორი: ექსპრესნიუსი,

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე