რუსეთი ევროპული უსაფრთხოების წესების დესტაბილიზაციას ახდენს, - ამის შესახებ ნატო-ს გენერალურმა მდივანმა იენს სტოლტენბერგმა მიუნხენის უსაფრთხოების კონფერენციაზე განაცხადა.

როგორც სტოლტენბერგმა თავის გამოსვლაში აღნიშნა, ბოლო ათლწლეულების განმავლობაში ნატო ახორციელებს კოლექტიური თავდაცვის მასშტაბურ გაზრდას, რაც "ძლიერი სიგნალია ნებისმიერი აგრესიისა თუ დაშინების შესაკავებლად".

მისი თქმით, ნატო-ს არ სურს ახალი „ცივი ომის“ დაწყება, ამიტომ მეტი თავდაცვა და მეტი დიალოგი ევროპაში სტაბილურობის უზრუნველყოფის ფაქტორია.

"ჩვენ უფრო აგრესიულ რუსეთს ვხედავთ, რომელიც ევროპული უსაფრთხოების წესების დესტაბილიზაციას ახდენს. ნატო კონფრონტაციისკენ არ მიისწრაფვის. ჩვენ არ გვსურს ახალი "ცივი ომი", მაგრამ ამავდროულად, ჩვენი პასუხი მტკიცე უნდა იყოს", - განაცხადა სტოლტენბერგმა.

სტოლტენბერგის თქმით, ნატო-ს შეკავების სტრატეგია შეიცავს ბირთვულ კომპონენტსაც. რუსეთი კი, თავისი რიტორიკით და ბირთვული ძალების წვრთნებით მეზობელი ქვეყნების დაშინებას ცდილობს.

მისივე თქმით, რუსეთი არის ნატო-ს პერმანენტული წევრი და ირანის ბირთვულ კომპონენტებშიც საკმაოდ დიდ როლს თამაშობს, თუმცა მან აგრეთვე აღნიშნა, რომ რუსეთთან ნატო-ს ახლა სულ სხვა რეალობა აკავშირებს და ურთიერთობები შეიცვლება თუ ნატო რუსეთთან დიალოგს წარმართავს.

"ჩვენ გვაქვს მკაფიო პრინციპები. საზღვრების დარღვევა არ უნდა ხდებოდეს. დამოუკიდებელ სახელმწიფოებს აქვთ უფლება, საკუთარი კურსი აირჩიონ. ეს პრინციპები ევროპული უსაფრთხოებისთვის ფუნდამენტურია", - განაცხადა სტოლტენბერგმა.

ნატო-ს გენერალური მდივანი ასევე შეეხო რაკეტსაწინააღმდეო სისტემის საკითხს და კიდევ ერთხელ აღნიშნა, რომ სისტემა რუსეთის წინააღმდეგ მიმართული არ არის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო