2024-05-24 23:28:01, 529 ნახვა
მსოფლიო
ისრაელი ქალაქ რაფაჰში სამხედრო ოპერაციის შეჩერებას არ აპირებს
ისრაელი, მართლმსაჯულების საერთაშორისო სასამართლოს მოწოდების მიუხედავად, ქალაქ რაფაჰში სამხედრო ოპერაციის შეჩერებას არ აპირებს. ამის შესახებ ისრაელის ეროვნული უსაფრთხოების საბჭოს და საგარეო საქმეთა სამინისტროს ერთობლივ განცხადებაში აღნიშნული.
განცხადებაში ნათქვამია, რომ ისრაელი მოქმედებს თავისი ტერიტორიისა და მოქალაქეების დაცვის უფლებაზე დაყრდნობით, თავისი მორალური ღირებულებების და საერთაშორისო სამართლის, მათ შორის საერთაშორისო ჰუმანიტარული სამართლის შესაბამისად.
ამასთან ისრაელის მხარე აღნიშნავს, რომ ისინი არ განახორციელებენ სამხედრო მოქმედებებს რაფაჰის რაიონში, რამაც შეიძლება ღაზის ზონაში მცხოვრები პალესტინელი მშვიდობიანი მოსახლეობის ფიზიკური განადგურება გამოიწვიოს.
ავტორი: ექსპრესნიუსი,
epn.ge (@expressnews.ge)
