ყოფილი პრემიერ-მინისტრი ბიძინა ივანიშვილი ციხისძირში იმ ადგილზე იმყოფებოდა, სადაც ხეების გადარგვის სამუშაოები მიმდინარეობდა.

ინფორმაციას „ერთიანი ნაციონალური მოძრაობის“ ბათუმის ორგანიზაცია ავრცელებს.

მათივე ცნობით, ივანიშვილი მიმდებარე ტერიტორიაზე შეკრებილ აქციის მონაწილეებს გაესაუბრა და სამუშაოების მიმდინარეობა დაათვალიერა.

როგორც "ექსპრესნიუსს" "ნაციონალური მოძრაობის“ ბათუმის ორგანიზაციის წევრმა  ნოდარ დუმბაძემ განუცხადა, ყოფილმა პრემიერმა გასაუბრების შემდეგ სამუშაოების შეჩერების გადაწყვეტილება მიიღო.

„ჩვენ ვესაუბრეთ ივანიშვილს, მოვთხოვეთ სამშენებლო ნებართვები, მან განაცხადა, რომ ის არის რეალური დამკვეთი ურეკში ხეების გადატანის. მან თქვა, რომ ყველანაირი ნებართვები არსებობს, თუმცა მას შემდეგ რაც შესაბამის შპს-ს მოთხოვა ნებართვა, კომპანიამ ვერ წარმოადგინა ნებართვები. მან თქვა, რომ სამუშაოები შეჩერდება მანამ სანამ ყველა ნებართვა არ იქნება გაცემული“, - განაცხადა ნოდარ დუმბაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლელო: რეჟიმი ცდილობს ბიზნესის ხმა ჩაახშოს, ჩვენ ამ ხმას გავაძლიერებთ

თეთრი სახლი: აშშ ირანის მხრიდან გარკვეულ პროგრესს აღნიშნავს

25 აპრილს, ილია II-ის გარდაცვალებიდან 40 დღე სრულდება - სიონის ტაძარში წირვას აღავლენენ

პოლიციამ ლაზარე გრიგორიადისი დააკავა