იტალიის რესპუბლიკის ქალაქ რომში გაეროს სურსათისა და სოფლის მეურნეობის ორგანიზაციის (UN FAO) ევროპის რეგიონული კონფერენციის რიგით 34-ე სესია გაიმართა, რომელსაც გარემოს დაცვისა და სოფლის მეურნეობის მინისტრის პირველი მოადგილე ნინო თანდილაშვილი დაესწრო. ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

უწყების ცნობით, სესიაზე მაღალი რანგის წარმომადგენლებმა ევროპასა და ცენტრალურ აზიაში დაბალი ემისიის და მდგრადი აგროსასურსათო სისტემების გაძლიერებაში ინოვაციებისა და დიგიტალიზაციის როლზე იმსჯელეს.

„ყურადღება გამახვილდა ცვლილებებისა და გამოწვევების დროს სოფლის მეურნეობის ბიომრავალფეროვნების შენარჩუნების და წყლის მართვის გაუმჯობესების საკითხებზე, მათ შორის, გლობალური და რეგიონული სასურსათო უსაფრთხოების პერსპექტივებზე და სოფლის მეურნეობისა და კვების სისტემების ტრანსფორმაციაზე.

ევროპის რეგიონული კონფერენცია აერთიანებდა FAO-ს წევრ ქვეყნებს ევროპისა და ცენტრალური აზიის რეგიონიდან, ასევე, გაეროს ფონდის, პროგრამების და სპეციალიზებული სააგენტოების წარმომადგენლებს.

FAO-ს სათაო ოფისში გამართულ შეხვედრაზე, ინიციატივის „ერთი ქვეყანა ერთი პრიორიტეტული პროდუქტი“ ფარგლებში, ქართულმა მხარემ ქართული ღვინო წარადგინა“, - აღნიშნულია უწყების ინფორმაციაში.

ავტორი: NS (სტატია დაფინანსებულია),

სოციალური ქსელები

ხმაური იყო მარნეულის სოფელ შულავერში გამართულ აქციაზე - ვიდეო

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა

კობახიძემ ომში მყოფი უკრაინა გააკრიტიკა- უკრაინაში ჩამოქცეულია ეკონომიკა, დანგრეულია ინფრასტრუქტურა

დათუნაშვილი -კობახიძე აქამდე საოკუპაციო ხაზთან არ იყო ნამყოფი, ახლა დაემატა, რომ ბაზარსა და მაღაზიაშიც არ არის ნამყოფი