„გუშინ, დღის 12:00 სთ-ზე საკუთარ სახლთან, სადაც ჩემს ერთი წლის შვილთან ერთად ვიმყოფებოდი, დამხვდა 5 პირბადიანი პირი, რომლებიც სიტყვიერად დამემუქრნენ და მითხრეს, რომ მომავალში იმოქმედებდნენ შესაბამისად, - ამის შესახებ „ერთიანი ნაციონალური მოძრაობის“ გენერალური მდივნის მოადგილემ, ირაკლი ფავლენიშვილმა დღეს გამართულ ბრიფინგზე განაცხადა.

ფავლენიშვილის თქმით, „თითოეულ ამ ზონდერს, როგორც მათ ხელმძღვანელებს, მოუწევთ პასუხისგება იმისთვის, რომ ასრულებდნენ ამ უკანონო დავალებას".

„გუშინ, დღის 12:00 საათზე, ჩემს საცხოვრებელ სახლთან, სადარბაზოსთან დამხვდა ხუთი პირბადიანი და სპორტულ ტანსაცმელში გამოწყობილი ადამიანი. ვიყავი ერთი წლის ბავშვთან და მეუღლესთან ერთად, მაგრამ ამის მიუხედავად ისინი მოვიდნენ, მთხოვეს გარეთ გაყვანა და როცა მეზობლებიც გამოჩნდნენ, სიტყვიერად დამემუქრნენ, რომ იცოდნენ ჩემი სახლიც, კარიც და შესაბამისად იმოქმედებენ მომავალში და არ დამინდობენ.

მაგრამ არავის არ ეშინია, ჩვენს უკან არის საქართველო, ჩვენ აუცილებლად გავიმარჯვებთ და თითოეულ ამ ზონდერს, როგორც მათ ხელმძღვანელებს, მოუწევთ პასუხისგება იმისთვის, რომ ასრულებდნენ ამ უკანონო დავალებას. რუსული კანონი მარტო კანონში კი არ წერია, ის რაც ხდება ლაშას თავს, ის რაც ხდება ლუკას თავს, ის რაც ხდება ჩემს თავს და ყველა ჩვენგანის თავს, ეს არის რუსული კანონი, ამიტომაც ყველანი, ვინც რუსული კანონის გატარებაში იღებთ მონაწილეობას, დამნაშავეები ხართ თქვენი ხალხის და თქვენი ერის წინაშე“, - განაცხადა ირაკლი ფავლენიშვილმა.

ავტორი: ექსპრესნიუსი,

სოციალური ქსელები

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია

Amnesty International -მხოლოდ ეს ხუთი დაპატიმრება ნაკლებად ცვლის დაუსჯელობის უფრო ფართო სურათს საქართველოში

საფრანგეთში ჰანტავირუსით ინფიცირებულ პირებთან კონტაქტში მყოფი რვა ადამიანი კარანტინში მოათავსეს

ზელენსკის განკარგულებით, უკრაინის დარტყმის გეგმიდან მხოლოდ წითელ მოედანს გამორიცხავს