დღეს საქართველოს საერთაშორისო მეგობრები და განსაკუთრებით ევროპელები ამბობენ, რომ ევროპის გული არის სწორედ თბილისში, ევროპის დედაქალაქი არის სწორედ თბილისი და ისინი ყველაფერს გააკეთებენ, რომ გვერდით დაუდგნენ ქართველ ხალხს ჩვენი ევროპული მომავლის დასაცავად,- ამის შესახებ განაცხადა საპარლამენტო ფრაქცია „ერთიანი ნაციონალური მოძრაობის“ თავმჯდომარემ, თინა ბოკუჩავამ, რომელიც ევროკავშირის წევრი ქვეყნების საგარეო საქმეთა მინისტრებს ხვდება.

ბოკუჩავას თქმით, ევროპელი კოლეგები ხედავენ, რომ „ქართული ოცნების" საპატიო თავმჯდომარემ, ბიძინა ივანიშვილმა ქართველ ხალხს „ბრძოლა გამოუცხადა".

„ეს იყო გზავნილები, როდესაც ჩვენ შევხვდით გერმანიის და ლიეტუვის საგარეო ურთიერთობათა კომიტეტის თავმჯდომარეებს, დღეს კიდევ დაემატა სხვა ევროპული ქვეყნები, რომლებიც აცხადებენ მზაობას, რომ ქართველ ხალხთან ერთად დაიცავენ ჩვენი ქვეყნის ევროპულ მომავალს. ისინი ძალიან კარგად ხედავენ, რომ ბიძინა ივანიშვილმა ერთის მხრივ ბრძოლა გამოუცხადა საკუთარ ხალხს და ამისთვის იყენებს სახელმწიფო ინსტიტუტებს, მათ შორის სხვადასხვა საპოლიციო დანაყოფებს, ეს რის ტერორი საკუთარი მოქალაქეების წინააღმდეგ და ასევე ბრძოლა გამოუცხადა დასავლეთს და ცდილობს, რომ ის ისტორიული არჩევანი, რომლის რეალიზების შესაძლებლობა ახლა მართლაც უნიკალურია საქართველოსთვის, წაართვას.

მე, როგორც არასდროს, დარწმუნებული ვარ, საქართველოს ევროპული მომავლის რეალიზებაში, სისრულეში მოყვანაში, რადგან ქართველი ხალხი ამ ბრძოლაში აუცილებლად გაიმარჯვებს, თუმცა, რა თმა უნდა, აქ არის ჩვენი პასუხისმგებლობაც და მე ვაპირებ, რომ ამაზეც ვისაუბრო ევროპულ ლიდერებთან და ეს არის ოპოზიციური გაერთიანება. ეს არის ხალხის დაკვეთა, ხალხი არის ერთიანი, ხალხი არის კონსოლიდირებული, ყოველდღიურად მათთან ერთად ვდგავარ როგორც ერთი რიგითი პროტესტანტი და ისინი ყოველთვის საუბრობენ ერთობის მნიშვნელობაზე მაშინ, როდესაც ქვეყნის ევროპული მომავალი არის გადასარჩენი",- ამბობს ბოკუჩავა.

შეგახსენებთ, საქართველოში ლატვიის, ლიეტუვის, ესტონეთისა და ისლანდიის საგარეო საქმეთა მინისტრები - ბაიბა ბრაჟე, გაბრიელიუს ლანდსბერგისი, მარგუს ცაჰკნა და თორდის კოლბრუნ რეიკფიორდ გილფადოტირი იმყოფებიან.

ავტორი: ექსპრესნიუსი,

სოციალური ქსელები

ტრამპი იმედოვნებს, რომ უკრაინასა და რუსეთს შორის ცეცხლის შეწყვეტის შეთანხმება 11 მაისის შემდეგ გაგრძელდება

9 მაისი ევროპის დღეა - ექსპო-ჯორჯიაში ევროკავშირის 27 წევრი ქვეყნა გამოფენებებს აწყობს

აშშ-მ სანქციები დაუწესა იმ ფიზიკურ და იურიდიულ პირებს, რომლებიც ირანს „შაჰედის“ წარმოებაში ეხმარებიან

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია