2024-05-14 17:09:32, 332 ნახვა
პოლიტიკა
აქციის მონაწილეებმა პარლამენტთან განთავსებული რკინის ღობე მოხსნეს [ვიდეო]
პარლამენტის მიმდებარე ტერიტორიაზე, სადაც მოქალაქეები "უცხოური გავლენის გამჭვირვალობის შესახებ" კანონის მიღებას აპროტესტებენ, ხმაური და დაძაბულობაა.
აქციის მოაწილეებმა პარლამენტის ცენტრალურ შესასვლელთან დამონტაჟებული რკინის ღობე მოხსნეს.
პარალელურად, პოლიციამ დაკავებები დაიწყო. არსებული ინფორმაციით, დაკავებულია სამოქალაქო აქტივისტი ლაზარე გრიგორიადისი.
ამავე დროს, თავისუფლების მოედნიდან სპეციალური დანიშნულების რაზმისა და განსაკუთრებულ დავალებათა დეპარტამენტის თანამშრომლები პარლამენტის შენობის მიმართულებით დაიძრნენ. ისინი მოქალაქეების აფრთხილებენ და ტერიტორიის დატოვებისკენ მოუწოდებენ.
ავტორი: ექსპრესნიუსი,
epn.ge (@expressnews.ge)
