უკრაინის უსაფრთხოების სამსახური (СБУ) ტერორიზმთან დაკავშირებით რუსეთის საგარეო საქმეთა სამინისტროს განცხადებას ეხმაურება და აღნიშნავს, რომ "ბუჩას გათავისუფლების წლისთავისა და რუსების მიერ იქ ჩადენილი სისასტიკის ფონზე, ეს განცხადება განსაკუთრებით ცინიკურად ჟღერს".

როგორც СБУ-ში ამბობენ, რუსეთის საგარეო უწყების "ნებისმიერი სიტყვა უმნიშვნელოა".

"საერთაშორისო სამართლის ნორმებზე საუბრისას რუსეთის საგარეო საქმეთა სამინისტროს ავიწყდება, რომ პუტინი ოფიციალურად არის შეყვანილი საერთაშორისო ძებნილთა სიაში. ტერორიზმის შესახებ განცხადებები განსაკუთრებით ცინიკურია თავად ტერორისტული ქვეყნის მხრიდან ბუჩას გათავისუფლების წლისთავისა და იქ რუსების მიერ ჩადენილი სისასტიკის ფონზე. 

ჩვენ გვახსოვს ყველა დაღუპული უკრაინელი და ყველაფერს გავაკეთებთ, რათა მტერმა სამართლიანი ანგარიშსწორება მიიღოს. ამიტომ, რუსეთის საგარეო საქმეთა სამინისტროს ნებისმიერი სიტყვა უმნიშვნელოა. რუსეთის ფედერაციას რეალურად შეუძლია, გააკეთოს მხოლოდ ერთი განცხადება, რომელიც ყურადღების ღირსია - გამოუცხადოს მთელ მსოფლიოს ომში დამარცხების და უკრაინის მიწიდან საოკუპაციო ჯარების გაყვანის შესახებ",- ნათქვამია უწყების განცხადებაში.

შეგახსენებთ, გუშინ, 31 მარტს რუსეთის საგარეო საქმეთა სამინისტრომ გაავრცელა განცხადება, რომლის თანახმადაც, "რუსეთის მიერ ჩატარებული საგამოძიებო მოქმედებები მიუთითებს, რომ ბოლო ტერაქტების კვალი უკრაინამდე მიდის". უწყებამ ასევე თქვა, რომ უკრაინას გადასცეს მოთხოვნა "უკრაინის უშიშროების სამსახურის უფროსის, ვასილი მალიუკის დაუყოვნებლივი დაკავებისა და ექსტრადიციის შესახებ, ასევე ყველა იმ პირის, ვინც ბოლო ტერაქტებში მონაწილეობდა".

ავტორი: ექსპრესნიუსი,

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით