2024-03-28 10:28:42, 899 ნახვა
საზოგადოება
Georgian Wings თბილისი-პრაღა-თბილისის მიმართულებით პირდაპირ ფრენებს იწყებს
7 მაისიდან ქართული ავიაკომპანია Geosky-ს სამგზავრო მიმართულება Georgian Wings-ი
თბილისი-პრაღა-თბილისის მიმართულებით პირდაპირ რეგულარულ ფრენებს იწყებს. ამის შესახებ ინფორმაციას ავიაკომპანია ავრცელებს.
მათი ცნობით, Georgian Wings-ი ფრენებს თბილისის საერთაშორისო აეროპორტიდან პრაღის საერთაშორისო აეროპორტში, კვირაში ორი სიხშირით, ყოველ სამშაბათსა და შაბათს, 148 მგზავრზე გათვლილი ბოინგ 737-ით შეასრულებს.
"ავიაბილეთების შეძენა უკვე შესაძლებელია როგორც ავიაკომპანიის ოფიციალური საიტის მეშვეობით, ასევე ტურისტულ სააგენტოებსა და ავიასალაროებში.
Georgian Wings-ი უკვე 7 საერთაშორისო მიმართულებით ახორციელებს ფრენებს",- ნათქვამია გავრცელებულ ინფორმაციაში.
ავტორი: ექსპრესნიუსი,
epn.ge (@expressnews.ge)
