ევროპარლამენტის რეზოლუცია კიდევ ერთი მიზეზია სომხეთის მომავლის ხედვის განსახილველად,- ამის შესახებ სომხეთის პრემიერ-მინისტრმა, ნიკოლ ფაშინიანმა ევროპარლამენტის მიერ მიღებულ რეზოლუციასთან დაკავშირებით განაცხადა, რომელიც ევროკავშირსა და სომხეთს შორის მჭიდრო კავშირების უზრუნველყოფას ითვალისწინებს.

როგორც ფაშინიანი აღნიშნავს, რეზოლუციით ევროპარლამენტმა აღნიშნა სომხეთის მიღწევები დემოკრატიის, კანონის უზენაესობისა და კორუფციის წინააღმდეგ ბრძოლის სფეროში.

„რეზოლუციაში მოყვანილი იყო ჩემი განცხადება, რომელიც გასული წლის 17 ოქტომბერს ევროპარლამენტის ტრიბუნიდან გაკეთდა, რომ სომხეთი მზად არის, იყოს ევროკავშირთან მაქსიმალურად ახლოს, რამდენადაც ამას ევროკავშირი ჩათვლის შესაძლებლად. რეზოლუციაში აღნიშნულია, რომ სომხეთს თუ სურს, წარადგინოს ევროკავშირში გაწევრიანების განაცხადი, ევროკავშირის ინსტიტუტებმა დახმარება უნდა გაუწიონ. ამავდროულად, უნდა გამოვხატო სომხეთის მთავრობის ნება, გააგრძელოს მუშაობა სომხეთ-ევროკავშირის ურთიერთობების შემდგომი გაღრმავებისა და განვითარებისთვის“,- განცხადა ნიკოლ ფაშინიანმა.

ავტორი: ექსპრესნიუსი,

სოციალური ქსელები

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა