საქართველოს თავდაცვის მინისტრი ირაკლი ჩიქოვანი თავდაცვის ძალების სამხედრო ბაზებზე არსებულ მდგომარეობას ეცნობა - მინისტრი თავდაცვის ძალების დასავლეთის სარდლობის სამხედრო ქვედანაყოფებს ეწვია. ამის შესახებ ინფორმაციას თავდაცვის უწყება ავრცელებს.

მათი ცნობით, თავდაცვის ძალების მეთაურმა, გენერალ-მაიორმა გიორგი მათიაშვილმა და დასავლეთის სარდლობის ხელმძღვანელმა პირებმა მინისტრს სამხედრო ქვედანაყოფების საქმიანობის, მიმდინარე პროექტებისა და სამომავლო გეგმების შესახებ დეტალური ინფორმაცია მიაწოდეს. 

"თავდაცვის მინისტრმა სიმონეთის საველე ბანაკი დაათვალიერა, გაეცნო სამხედრო მოსამსახურეების საცხოვრებელ პირობებსა და ბაზის ინფრასტრუქტურას. უწყების ხელმძღვანელი პირები იმყოფებოდნენ უფროსი ლეიტენანტის, მუხრან შუკვანის სახელობის პოლიგონზეც, სადაც მცირეკალიბრიანი შაშხანებიდან საცეცხლე სწავლებას დაესწრნენ. 

დღესვე, ირაკლი ჩიქოვანი მე-3 ქვეით ბრიგადაშიც იმყოფებოდა, სადაც სამხედრო ქვედანაყოფის სტრუქტურის, ამოცანებისა და მიზნების შესახებ მოხსენება მოისმინა. მან ყაზარმები, სპორტული დარბაზი, მიმდინარე ინფრასტრუქტურული სამუშაოები დაათვალიერა და სამხედრო მოსამსახურეებს გაესაუბრა",- ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით