ცაგარეიშვილი შოვის ტრაგედიაზე - შვეიცარიელი ექსპერტების ჩართულობით დასკვნამ ცხადყო, რომ სტრუქტურების წარმომადგენლებს ბრალი არ მიუძღვით

2024-02-21 14:48:19, 1857 ნახვა

პოლიტიკა

შვეიცარიელი ექსპერტების ჩართულობით დასკვნამ ცხადყო ის, რომ ბრალი სტრუქტურების წარმომადგენლებს არ მიუძღვით, - ამის შესახებ ფრაქცია „ქართული ოცნების“ თავმჯდომარის მოადგილე გია ცაგარეიშვილმა შოვის ტრაგედიაზე საუბრისას განაცხადა.

ცაგარეიშვილის თქმით, "ოპოზიცია ბუნებრივ მოვლენებს პოლიტიკური სპეკულაციებისთვის იყენებს".

„ნებისმიერი ბუნებრივი მოვლენა პოლიტიკური სპეკულაციის საგნად გადაიქცევა ხოლმე ჩვენი ოპოზიციის ხელში. ადამიანები, რომლებსაც თითი თითზე არ მიუდიათ, როცა ხელისუფლებაში იყვნენ, რათა ეს პრობლემები მოგვარებულიყო და რომლებისგანაც ჩვენ გადმოვიბარეთ აბსოლუტურად გაჩანაგებული სისტემა. რაც შეეხება ამ სტიქიის გათვლას, ამის გათვლა დროში და სივრცეში სამწუხაროდ უახლესი ტექნოლოგიების გამოყენებით ფაქტობრივად წარმოუდგენელია“, - განაცხადა ცაგარეიშვილმა.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),