როცა იგი საუბრობს ჩვენი პარტიის დამფუძნებელზე, ბატონ ბიძინა ივანიშვილზე და რაღაც მუქარებს აჟღერებს - ვინ არის საერთოდ ხაზარაძე?! პროკურორია ეს ადამიანი, თუ როგორ ბედავს საერთოდ ასეთი ტიპის განცხადებების გაკეთებას?!- ამის შესახებ "ქართული ოცნების" თავმჯდომარემ, ირაკლი ღარიბაშვილმა ცოტა ხნის წინ გამართულ ბრიფინგზე განაცხადა.

ღარიბაშვილმა "ლელოს" ლიდერს, მამუკა ხაზარაძეს "არარაობა" და "თაღლითობაში მხილებული ადამიანი" უწოდა.

"მინდა, კიდევ ერთხელ შეგახსენოთ ყველას, რომ ცნობილი პროექტი, რომელიც საქართველოს მთავრობამ 2016 წელს მიანდო - ანაკლიის პორტს ვგულისხმობ - მან ჩააგდო ეს პროექტი, ვერ განახორციელა. მთავრობა ელოდა 5 თუ 6 წელი და ამის შემდეგ მინდა, ჩვენს ხალხს კიდევ ერთხელ შევახსენო -  ეს ადამიანი, ხალხო, წავიდა, სასამართლოში უჩივლა ჩვენს სახელმწიფოს ანუ თქვენ - ხალხს. ჩვენი ქვეყნისა და ხალხის გაძარცვა აქვს ამ ადამიანს გამიზნული. კიდევ ერთი - როცა იგი საუბრობს ჩვენი პარტიის დამფუძნებელზე, ბატონ ბიძინა ივანიშვილზე და რაღაც მუქარებს აჟღერებს - ვინ არის საერთოდ ხაზარაძე?! პროკურორია ეს ადამიანი, თუ როგორ ბედავს საერთოდ ასეთი ტიპის განცხადებების გაკეთებას?! რეპრესიებს აანონსებს ეს არარაობა, თაღლითობაში მხილებული ადამიანი. ამიტომ, ყველაფერი ჩვენთვის ნათელია",- თქვა ღარიბაშვილმა.

ავტორი: ექსპრესნიუსი,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება