2024-02-06 13:13:32, 669 ნახვა

---

პრეზიდენტი კობახიძეს - თქვენ, ვისთანაც ასოცირდება ანტიევროპული რიტორიკა, როგორ აპირებთ საზოგადოების ევროპული დაკვეთის შესრულებას

მივმართავ ახალ პრემიერს, ან მომავალ პრემიერს - თქვენ, ვისთანაც ასოცირდება გავრილოვის შემოშვება პარლამენტში, შარლ მიშელის დოკუმენტის ანულირება, ანტიევროპული რიტორიკა და იმპიჩმენტი, როგორ აპირებთ საზოგადოების ევროპული დაკვეთის შესრულებას და კერძოდ, რეკომენდაციების არჩევნებამდე განხორციელებას,- ამის შესახებ საქართველოს პრეზიდენტმა, სალომე ზურაბიშვილმა პარლამენტში ყოველწლიური მოხსენებისას განაცხადა.

ზურაბიშვილის თქმით, მომავალმა პრემიერ-მინისტრმა, ირაკლი კობახიძემ ასევე უნდა წარმოადგინოს გეგმა იუსტიციის უმაღლეს საბჭოსთან, საარჩევნო ადმინისტრაციასა და ანტიკორუფციულ ბიუროსთან დაკავშირებით.

"წარმოადგენთ თუ არა გეგმას, სადაც მკაფიოდ და ვადებში გაწერილი იქნება, როგორ შეცვლით იუსტიციის უმაღლესი საბჭოს და უზენაესი სასამართლოს შემადგენლობას; სადაც გაწერილი იქნება, როგორ უზრუნველყოფთ კონსენსუსით საარჩევნო ადმინისტრაციის დაკომპლექტებას; სადაც ანტიკორუფციულ სამსახურს მისცემთ საგამოძიებო უფლებებსა და დამოუკიდებლობას; სადაც უზრუნველყოფთ ეროვნული ბანკის დამოუკიდებლობას და როგორ დავუახლოვდეთ ევროკავშირის საგარეო და უსაფრთხოების პოლიტიკას, თუმცა, საზოგადოების კითხვების მთავარი ადრესატი დღეს არც პრემიერია, არც პარლამენტისა და არც მმართველი პარტიის თავმჯდომარეეები, არამედ ის, ვინც რეალურად მართავს ქვეყანას",- განაცხადა საქართველოს პრეზიდენტმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი