ახლა სალომე ზურაბიშვილის ბოლო ბანაობაა საქართველოს პარლამენტში გამოსვლასთან დაკავშირებით, - ამის შესახებ ანტიდასავლური მოძრაობა "ხალხის ძალის" წარმომადგენელმა, გურამ მაჭარაშვილმა განაცხადა.

მაჭარაშვილის თქმით, პრეზიდენტმა, სალომე ზურაბიშვილმა საქართველოს სახელმწიფოზე, ქართულ კონსტიტუციასა და საზოგადოებაზე "ბოიკოტი გამოაცხადა და თამაშგარე აღმოჩნდა".

"ზურაბიშვილმა ჯერ თვითონ გამოაცხადა ბოიკოტი საქართველოს სახელმწიფოზე, ქართულ კონსტიტუციაზე და საქართველოს საზოგადოებაზე და თამაშგარე აღმოჩნდა. ახლა გასაგებია, ფორმალური მხარეა, მისი ბოლო ბანაობაა საქართველოს პარლამენტში გამოსვლასთან დაკავშირებით.

ახლა მე დიდი მოლოდინი არ მაქვს, რომ რამე საინტერესოს იტყვის. მოჰყვება ზღაპრებს და დააბრალებს ყველაფერს ქართულ სახელმწიფოს და საზოგადოებას. შესრულდება ფორმალური მხარე, რომ მოვა პრეზიდენტი და იტყვის თავის სიტყვას”, - განაცხადა მაჭარაშვილმა.

ცნობისთვის, საქართველოს პრეზიდენტი სალომე ზურაბიშვილი ყოველწლიური მოხსენებით პარლამენტში 6 თებერვალს წარსდგება.

ავტორი: ექსპრესნიუსი,

სოციალური ქსელები

საპატრიარქო - გაფართოებული კრების დროს მორწმუნეებს შეეძლებათ სამების ტაძრის ეზოში ფეხით შესვლა

პეკინმა დაადასტურა დონალდ ტრამპის სახელმწიფო ვიზიტი ჩინეთში 13-15 მაისს

კალასმა შრიოდერის კანდიდატურა რუსეთთან ევროკავშირიდან მომლაპარაკებლად უარყო - იგი რუსეთის ლობისტია

ტრამპი უკმაყოფილოა სამშვიდობო წინადადებებზე ირანის პასუხით