გამოწვევა ბევრია ქვეყანაში. დღევანდელი მთავარი გამოწვევა არის დეოკუპაცია და ამ გზაზე სიარული რამდენადაც საფრთხილოა, იმდენად გამოწვევის თვალსაზრისით, არის არა მხოლოდ გამოწვევა, არამედ საინტერესო პროცესი, როდესაც შენ მშვიდობიანი გზით, დარწმუნების, შერიგებისკენ მოწოდების, შენი ქვეყნის განვითარებით და ამ განვითარების ჩვენი დების და ძმების მიმართ მესიჯების გაგზავნით, გარკვეულ ცვლილებებთან მიდიხარ,- ამის შესახებ საპარლამენტო ფრაქცია „ქართული ოცნების“ თავმჯდომარემ, მამუკა მდინარაძემ განაცხადა.

მდინარაძის თქმით, გამოწვევების კუთხით, პრემიერობის კანდიდატს, ირაკლი კობახიძეს ბევრი სამუშაო ექნება. 

„წინ ბევრი გამოწვევა გვექნება ირაკლის [კობახიძის] ხელმძღვანელობით, როგორც ქვეყნის პირველი პირისა, ამ მიმართულებითაც მას ბევრი სამუშაო ექნება. ეს ერთი და მან, როდესაც თავის, ძალიან მოკლე, მაგრამ პრაქტიკულად საპროგრამო სიტყვას ამბობდა, ორი მიმართულება გამოყო: საუბარი სწორედ ქვეყნის გამთლიანებაზე იყო, არა მხოლოდ ტერიტორიაზე, არამედ ხალხის შერიგებაზე, მათთან ერთად გაერთიანებაზე, სიკეთის ბოროტებაზე გამარჯვებაზე და სულიერ და ფიზიკურ გაერთიანებაზე, ეს ერთი ძლიერი მესიჯი და მეორე იყო სიღარიბის დაძლევა, ეკონომიკური განვითარება. ესეც იმ საკითხში გეხმარება, როცა ჩვენ დეოკუპაციაზე ვლაპარაკობთ ეს დაკავშირებული საკითხია - ევროპული გზა, ეკონომიკური განვითარება და ეს საკითხები ერთმანეთში იმდენად მძლავრად არის შერეული, ამის ყველაზე კარგი გაგებით, რომ ამას მარტივი მოქმედებები არ სჭირდება და ასევე მან აღნიშნა, რომ ბოლო სამი წლის განმავლობაში ამ მიზნებს განსაკუთრებულად დავუახლოვდით“,- განაცხადა  მდინარაძემ გადაცემაში „იმედი LIVE“. 

ავტორი: ექსპრესნიუსი,

სოციალური ქსელები

ტრამპმა კომუნიზმს აშშ-ის თავისუფლებისთვის „მომაკვდინებელი საფრთხე“ უწოდა

პოლონეთის პრემიერ-მინისტრი უკრაინაში ომზე: მომდევნო თვეები შესაძლოა კრიტიკული იყოს

ტრამპმა გამოაქვეყნა ასდოლარიანი კუპიურის სურათი, რომელზეც მისი ხელმოწერაა გამოსახული

სტამბოლში სტენდაფ კომიკოსი ერდოღანზე ხუმრობის გამო დააკავეს