მსოფლიოს ერთ-ერთი წამყვანი სპორტული გამოცემა La Gazzetta dello Sport საქართველოს ბაზარზე შემოვიდა. გამოცემის პრეზენტაციას დღეს დედაქალაქის მერი კახა კალაძე ლეგენდარულ ფეხბურთელთან, ჯანლუკა ძამბროტასთან ერთად დაესწრო და შეკრებილ საზოგადოებას სიტყვით მიმართა.

„ძალიან გახარებული ვარ. ვერც კი წარმომედგინა, რომ ოდესმე მსოფლიოს ერთ-ერთი საუკეთესო გამოცემა La Gazzetta Dello Sport საქართველოშიც იქნებოდა წარმოდგენილი. ამისათვის მადლობა მინდა გადავუხადო კომპანია SMH Global-ს და მის დამფუძნებელს, ლაშა მაჭავარიანს წარმატებები ვუსურვო. ვფიქრობ, აღნიშნული პლატფორმა ხელს შეუწყობს ქართული სპორტის, ქართული ფეხბურთის პოპულარიზაციას, კიდევ უფრო მეტი ინფორმაცია იქნება ცნობილი ქართველი სპორტსმენების შესახებ მსოფლიოს მასშტაბით, კიდევ უფრო დააახლოებს ქართველ და მაგალითად, იტალიელ გულშემატკივრებს ერთმანეთთან“, - აღნიშნა კახა კალაძემ.

დედაქალაქის მერმა გამოცემის ქართული ვერსიის მესვეურებს თანადგომა აღუთქვა.

„მართლაც ძალიან მნიშვნელოვანი წამოწყებაა და მინდა ვუთხრა ლაშას, რომ თუ რაიმე საჭიროა ჩვენი მხრიდან მხარდაჭერისთვის, თანადგომისთვის, არის სრული მზაობა, ხელი შეგიწყოთ, დაგეხმაროთ. იმიტომ, რომ ქართული სპორტისთვის, ქართული ფეხბურთისთვის მნიშვნელოვან საქმეს აკეთებთ. ამ საქმეში მინდა დიდი წარმატება გისურვოთ და ჩვენი იმედი გქონდეთ ყოველთვის“, - განაცხადა კახა კალაძემ.

ღონისძიებას ესწრებოდნენ იტალიის ელჩი საქართველოში მასიმილიანო დ’ანტუონო, საქართველოს სპორტული ფედერაციების წარმომადგენლები და სპორტსმენები.

ავტორი: NS (სტატია დაფინანსებულია),

სოციალური ქსელები

პერმს ტუაფსეს მსგავსი ეკოლოგიური კატასტროფა ელის

ზურაბიშვილი რეჟიმის მიერ ვენახის გაშენების აკრძალვაზე - დავბრუნდით შაჰ-აბასისა თუ საბჭოთა დროს

რუსეთის მიერ უკრაინაში დადასტურებულმა დანაკარგებმა 216 000 ადამიანს გადააჭარბა.

კრემლის ჩინეთის გავლით ტექნოლოგიების იმპორტზე დამოკიდებულებამ 90%-ს მიაღწია.