2024-01-25 11:25:02, 1346 ნახვა
ომი უკრაინაში
ხარკოვში რუსეთის თავდასხმის შედეგად დაღუპულებს გლოვობენ
25 იანვარი ხარკოვში გლოვის დღედ გამოცხადდა. აღნიშნულის შესახებ ხარკოვის საქალაქო ადმინისტრაციის ხელმძღვანელი იგორ ტერეხოვი Telegram-ზე წერს.
ტერეხოვის თქმით, ოკუპანტების მიერ განხორციელებული საჰაერო თავდასხმის შედეგად 10 ადამიანი დაიღუპა.
„23 იანვრის სარაკეტო თავდასხმას ხარკოვში ერთ-ერთი ყველაზე დიდი ტრაგედია მოჰყვა მსხვერპლთა რაოდენობის მიხედვით. ამასთან დაკავშირებით, დღეს ქალაქში გლოვის დღეა გამოცხადებული“, - წერს იგორ ტერეხოვი.
შეგახსენებთ, რომ 23 იანვარს, რუსმა ოკუპანტებმა კიევსა და ხარკოვზე საჰაერო იერიში მიიტანეს.
ავტორი: ექსპრესნიუსი,
epn.ge (@expressnews.ge)
