2024-01-13 16:49:39, 972 ნახვა
მსოფლიო
„ჰუსიტების“ წარმომადგენელი - აშშ-ის საჰაერო იერიშებს მსხვერპლი არ მოჰყოლია
ამერიკის შეერთებული შტატების საჰაერო იერიშებს მსხვერპლი არ მოჰყოლია, - ამის შესახებ „ჰუსიტების“ წარმომადგენელმა, ნასრედინ ამერმა განაცხადა.
მისი თქმით, აშშ-ისა და დიდი ბრიტანეთის თავდასხმებს „ჰუსიტები ეფექტურ პასუხს გასცემენ“.
„დაშავებულები არ ყოფილა, ასევე, არც მატერიალური და არც ადამიანური დანაკარგები“, - განაცხადა „ჰუსიტების“ წარმომადგენელმა.
შეგახსენებთ, რომ დღეს, 13 იანვარს, ამერიკის შეერთებულმა შტატებმა „ჰუსიტების“ წინააღმდეგ დამატებითი საჰაერო იერიშები განახორციელა.
მანამდე, 12 იანვარს ამერიკის შეერთებულმა შტატებმა და დიდმა ბრიტანეთმა იემენში, „ჰუსიტების“ წინააღმდეგ საჰაერო დარტყმები განახორციელეს.
ამერიკის შეერთებული შტატების პრეზიდენტის, ჯო ბაიდენის განცხადებით ამერიკელმა სამხედროებმა იემენში დარტყმები მისი ბრძანებით მიიტანეს.
ავტორი: ექსპრესნიუსი,
epn.ge (@expressnews.ge)
