2024-01-07 18:46:16, 831 ნახვა

---

მჭედლიშვილი სტალინის გამოსახულებაზე - რამდენიმე თვეა, ეს ხატი იქ არის - არც ჩანს ფაქტობრივად, თუმცა ვიღაცა ადამიანებმა ატეხეს ერთი ამბავი

სამების საკათედრო ტაძრის მღვდელმსახური, არქიმანდრიტი იოვანე მჭედლიშვილი აცხადებს, რომ წმინდა მატრონა მოსკოველის ხატი, რომელზეც იოსებ სტალიანია გამოსახული, რამდენიმე თვეა, სამებაშია დასვენებული.

როგორც მჭედლიშვილმა მედიის წარმომადგენლებთან საუბრისას აღნიშნა, "ეს ხატი არ არის, არამედ ხატმწერის მიერ დაწერილი გამოსახულებაა".

"ეს არის დღესასწაული და ასეთ რაღაც მნიშვნელობების იმაზე არ ღირს. არ გავურბივართ პასუხს. ის არ არის ხატი - მოდი, ასე ვთქვათ, არის რაღაც ერთ-ერთი ხატმწერის მიერ დაწერილი რაღაც პატარა გამოსახულება, რომლისთვისაც ყურადღება არავის მიუქცევია, გარდა ჟურნალისტებისა და ატეხეს ერთი ამბავი. რამდენიმე თვეა, ეს ხატი იქ არის, არც ჩანს ფაქტობრივად, თუმცა ვიღაცა ადამიანებმა ატეხეს ერთი ამბავი",- აცხადებს იოვანე მჭედლიშვილი.

შეგახსენებთ, დეკანოზმა, ილია ჭიღლაძემ სოციალურ ქსელში გამოაქვეყნა ხატის ფოტოები, რომელიც მისი განცხადებით, თბილისში, სამების საკათედრო ტაძარშია დასვენებული და მასზე საბჭოთა დიქტატორი იოსებ სტალინია გამოსახული. 

მოგვიანებით, ხატის ვიდეოკადრები სოციალურ ქსელში პოლიტიკოსმა, გიორგი კანდელაკმაც გაავრცელა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი