2023-12-27 14:23:22, 628 ნახვა
საზოგადოება
გერგეთის მყინვარწვერის მიმდებარე ტერიტორიაზე, სამთო ექსპედიციის დროს დაკარგული პირი გარდაცვლილი იპოვეს
ყაზბეგის მუნიციპალიტეტში, გერგეთის მყინვარწვერის მიმდებარე ტერიტორიაზე, სამთო ექსპედიციის დროს დაკარგული მოქალაქე, რომელსაც შინაგან საქმეთა სამინისტროს საგანგებო სიტუაციების მართვის სამსახურის მაშველები რამდენიმე დღის განმავლობაში უწყვეტ რეჟიმში ეძებდნენ, გარდაცვლილი იპოვეს. ამის შესახებ ინფორმაციას საგანგებო სიტუაციების მართვის სამსახური ავრცელებს.
უწყების ცნობით, გარდაცვლილის ცხედარი მაშველების მიერ ამოყვანილია თოვლის მასიდან და მიმდინარეობს შესაბამისი სამართლებრივი პროცედურები.
მათივე ინფორმაციით, სამძებრო სამუშაოებში, სწრაფი რეაგირების მაშველთა ჯგუფთან ერთად, ჩართული იყო სასაზღვრო პოლიციის ვერტმფრენი.
ავტორი: ექსპრესნიუსი,
epn.ge (@expressnews.ge)
