რაც არ უნდა ისაუბროს ღარიბაშვილმა, მათმა [„ქართული ოცნების“] მატარებელმა უკვე ჩაიარა და 2024 წელს დაწყებულ საქმეს ქართველი ხალხი მიიყვანს ბოლომდე,- ასე ეხმაურება „ერთიანი ნაციონალური მოძრაობის“ თავმჯდომარე ლევან ხაბეიშვილი საქართველოს პრემიერ-მინისტრის, ირაკლი ღარიბაშვილის მიერ წარდგენილ მთავრობის მუშაობის 2023 წლის ანგარიშს.

ხაბეიშვილის თქმით, ხელისუფლება ქვეყანას ბიძინა ივანიშვილის საკეთილდღეოდ მართავს.

„რუსული რიტორიკა, რუსული დეზინფორმაცია, რუსული პროპაგანდა, როცა ისინი ლაპარაკობენ ომთან დაკავშირებით და ქართველ ხალხს ეს უკვე ძალიან კარგად აქვს გააზრებული და ანალიზიც გაკეთებული აქვს...

რაც შეეხება რუსული პარტიის გაგრძელება ღარიბაშვილს საქართველოში და მის ბატონ ივანიშვილს, დეოლიგარქიზაციაზე როცა ვსაუბრობთ, კარგად უნდა გვესმოდეს, რომ ბანკი „ქართუს“ თანამშრომელი იყო პრემიერ-მინისტრი ღარიბაშვილი, ბანკი „ქართუს“ თანამშრომელი იყო თავდაცვის მინისტრი ჯუანშერი, ბანკი „ქართუს“ თანამშრომელი და პლასტიკური ბარათების დამზადებული იყო რეგიონული განვითარების და ინფრასტრუქტურის მინისტრი, ბანკი „ქართუს“ თანამშრომელი იყო სუს-ის უფროსი, მისი დაცვის წევრი იყო შს მინისტრი და ზოგადად, ყველა იყო ბანკი „ქართუს“, ბიძინა ივანიშვილის თანამშრომელი.

ისე უყურებენ, რომ შპს არის საქართველო, რომ კორპორაციაა და მთავრობის სხდომა რომ ტარდება, უნდა გვესმოდეს, რომ ბანკის „ქართუს“, ბიძინა ივანიშვილის თანამშრომლები იკრიბებიან ბიძინა ივანიშვილის საკეთილდღეოდ, ანუ ბიძინა რა სიკეთეს მიიღებს, ისე მართავენ ქვეყანას და დღეს, როცა ლაპარაკობენ კანდიდატის სტატუსზე და ივანიშვილის დამსახურებებზე, ესეც შევახსენთ მოსახლეობას - მათ არ უნდოდათ განაცხადის შეტანა ევროკავშირის წევრობისთვის და ქართველ ხალხს აქციები დასჭირდა ამისთვის, ისინი ანტიდასავლურ კამპანიაში და დეზინფორმაციაში იყვნენ ჩართულები, კობახიძე ამბობდა, რომ ჩალის ფასი აქვს ევროკავშირის რეზოლუციებს, კალაძე ამბობდა, რომ თუ არ მოგცემენ სტატუსს, რაც უნდა ის გააკეთონ.

საქართველოს მოქალაქეს არ აქვს მოკლე მეხსიერება, ყველას კარგად გვესმის სად ვიყავით, სად ვართ და სად უნდა ვიყოთ 2024 წელს. ახლა რაც არ უნდა ისაუბროს ღარიბაშვილმა, მათმა მატარებელმა უკვე ჩაიარა და 2024 წელს დაწყებულ საქმეს ქართველი ხალხი მიიყვანს ბოლომდე“, - განაცხადა ხაბეიშვილმა.

ავტორი: ექსპრესნიუსი,

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა