2023-12-05 13:26:17, 864 ნახვა
მსოფლიო
ირანის პრეზიდენტი 7 დეკემბერს მოსკოვში ჩავა
ირანის პრეზიდენტი იბრაჰიმ რაისი 7 დეკემბერს მოსკოვს ეწვევა. ამის შესახებ ინფორმაციას სააგენტო Tasnim-ი ავრცელებს.
მედიის ცნობით, ვიზიტი რუსეთის პრეზიდენტის, ვლადიმერ პუტინის მიწვევით შედგება.
როგორც მედია წერს, რაისი და პუტინი ეკონომიკურ სფეროში თანამშრომლობას, ასევე რეგიონულ და საერთაშორისო საკითხებს განიხილავენ.
რაისის დელეგაციის შემადგენლობა ჯერ არ სახელდება.
ცნობისთვის, ეს რუსეთში ირანის პრეზიდენტის, იბრაჰიმ რაისის მეორე ვიზიტი იქნება მას შემდეგ, რაც ის 2021 წლის აგვისტოში ქვეყნის პრეზიდენტი გახდა.
აღსანიშნავია, რომ რაისისა და რუსეთის პრეზიდენტის, ვლადიმერ პუტინის ბოლო კომუნიკაცია 16 ოქტომბერს შედგა, როდესაც მათ სატელეფონო საუბრისას ღაზას სექტორში არსებული ვითარება განიხილეს.
ავტორი: ექსპრესნიუსი,
epn.ge (@expressnews.ge)
