​მიმდინარეობს ბრძოლა სკამებისთვის, რეალურად კი ვიცით, ეს ადამიანები არაფრის გამკეთებლები არ არიან, - ამის შესახებ თბილისის მერმა, კახა კალაძემ პარტია „ერთიან ნაციონალურ მოძრაობაში“ მიმდინარე პროცესებზე საუბრისას განაცხადა.

კალაძის თქმით, „ერთიან ნაციონალურ მოძრაობაში“ დაპირისპირება კიდევ უფრო გაიზრდება.

„რა პროცესებიც „ნაციონალურ მოძრაობაში“ მიმდინარეობს, შიდა დაპირისპირებაა. მიმდინარეობს ბრძოლა სკამებისთვის. რეალურად, ვიცით, რომ ეს ადამიანები არაფრის გამკეთებლები არ არიან. გვახსოვს, მათი მმართველობა, რაც სამაგალითოა, როგორი არ უნდა იყოს ხელისუფალი. დღეს ოპოზიციაში არიან და საჩვენებლები არიან, როგორი არ უნდა იყოს ოპოზიციის წარმომადგენელი. ასე მგონია, მათ შორის დაპირისპირება კიდევ უფრო გამწვავდება თუმცა, ჩვენთვის საინტერესო არ არის, რა ხდება „ნაციონალურ მოძრაობაში“, ქვეყანაში ბევრი გამოწვევაა და ამით უნდა ვიყოთ დაკავებულები“, - განაცხადა კალაძემ.

ავტორი: ექსპრესნიუსი,

სოციალური ქსელები

„ახლა ჩვენი ჯერია“: ბაიდენმა ამერიკული გზის დაუმთავრებელ ბუნებაზე ისაუბრა

ტრამპი ხამენეის დაკრძალვაზე: ჩვენ შეგვიძლია ყველა ერთი დარტყმით გავანადგუროთ

ელენე ხოშტარიას მიმართვა ALDE-ს - რუსეთი ცდილობს დაამარცხოს ევროპა საქართველოში

ALDE-მ საქართველოს შესახებ რეზოლუცია მიიღო