2023-11-28 08:55:30, 659 ნახვა
მსოფლიო
წითელი ჯვარი - „ჰამასის“ მიერ გათავისუფლებული 11 მძევალი ისრაელისკენ მიემართება
წითელი ჯვრის ინფორმაციით, 11 მძევალი, რომლებიც ტერორისტულმა დაჯგუფება „ჰამასმა“ გაათავისუფლა, უკვე ისრაელისკენ მიემართება. აღნიშნულის შესახებ ინფორმაციას CNN ავრცელებს.
გამოცემის ცნობით, გათავისუფლებული 11-ვე მძევალი ისრაელელია.
„წითელი ჯვრიდან მიღებული ინფორმაციის საფუძველზე, ამჟამად ისრაელის ტერიტორიისკენ 11 მძევალი მიემართება“, - განაცხადეს ისრაელის თავდაცვის ძალებში.
ცნობისთვის, მას შემდეგ, რაც 24 ნოემბერს ისრაელსა და "ჰამასს" შორის ცეცხლის შეწყვეტის შეთანხმება ამოქმედდა, ტერორისტული დაჯგუფების მიერ 7 ოქტომბერს, ღაზას სექტორში გატაცებული მძევლების გათავისუფლების რამდენიმე რაუნდი შედგა.
ავტორი: ექსპრესნიუსი,
epn.ge (@expressnews.ge)
