2023-11-15 15:07:57, 748 ნახვა

---

ოკუპირებული ცხინვალის ე.წ. უსაფრთხოების სამსახური - „სამხრეთ ოსეთიდან“ საქართველოს ტერიტორიაზე ნავთობის კონტრაბანდისთვის 4 პირი დავაკავეთ

დროებით ოკუპირებული ცხინვალის ე.წ. უსაფრთხოების სამსახურის ცნობით, „სამხრეთ ოსეთიდან" საქართველოს ტერიტორიაზე ნავთობის კონტრაბანდისთვის 4 პირი დააკავეს.

КГБ-ს მტკიცებით, კონტრაბანდისტებმა ცხინვალის სამხრეთ გარეუბანში გააკეთეს „საწვავის საიდუმლო მიმღები და სატუმბი წერტილი“ და დაკავების დროს, 50 ტონამდე ნავთობს ტუმბავდნენ.

"არააქტიური სამელიორაციო სისტემის ერთ-ერთი მილსადენის შიგნით მათ პლასტმასის მილი გაიყვანეს, რომელიც ზედაპირზე საქართველოში ამოდიოდა", - აცხადებენ დროებით ოკუპირებული ცხინვალის ე.წ. უსაფრთხოების სამსახურში.

მათივე ცნობით, დაკავებულები ბრალს აღიარებენ. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი