2023-11-11 12:18:53, 846 ნახვა
საზოგადოება
სოფელ კირბალის მიმდებარედ ოკუპანტების მიერ მოკლულ თამაზ გინტურს დღეს დაკრძალავენ
სოფელ კირბალის მიმდებარედ, ოკუპირებულ ტერიტორიაზე 6 ნოემბერს საოკუპაციო ძალების მიერ მოკლულ თამაზ გინტურს სოფლის სასაფლაოზე დღეს დაკრძალავენ.
გინტური დღეს დილით კირბალიდან გორში, ღვთისმშობლის შობის სახელობის საკათედრო ტაძარში გადაასვენეს, სადაც ამ წუთებში წირვა მიმდინარეობს.
ადგილზე ოჯახის წევრები, თანასოფლელები და ახლობლები იმყოფებიან.
შეგახსენებთ, 6 ნოემბერს, გორის მუნიციპალიტეტის სოფელ კირბალის მიმდებარედ, რუსეთის საოკუპაციო ძალების წარმომადგენლებმა საქართველოს მოქალაქე თამაზ გინტური მოკლეს და ლევან დოთიაშვილი უკანონოდ დააკავეს. უკანონო პატიმრობაში მყოფი დოთიაშვილი 9 ნოემბერს გაათავისუფლეს.
ავტორი: ექსპრესნიუსი,
epn.ge (@expressnews.ge)
