თბილისის მერმა, კახა კალაძემ მედიასთან საუბრისას გულდასაწყვეტი და სამწუხარო უწოდა USAID-ის მიერ ისეთი პროექტების დაფინანსების ფაქტებს, რომლის მიზანიც ქვეყანაში არეულობის დათესვა და რევოლუციური სცენარის განვითარებაა. 

კალაძის თქმით, საზოგადოებამ იხილა "კანვასის" წევრების განცხადებები, "თითქოს ახორციელებდნენ პროექტს, რაც ხელს უწყობდა მძიმე დაავადების მქონე ბავშვების მშობლების ტრენინგს, თუმცა ცხადი გახდა რასთან დაკავშირებით ტარდებოდა აღნიშნული ტრენინგები, რა სწავლებები მიმდინარეობდა".

„მინდა გავიხსენო ადრეული პერიოდი, როცა საპარლამენტო არჩევნები დასრულდა, იცით, რომ პარალელური დათვლები იყო გაყალბებული. გაირკვა რომ USAID-ის პროექტი იყო. ჩვენი ლიდერების მხრიდან გამოაშკარავდა ეს არასწორი დათვლა. ყველაფერი მზადდება იმისთვის, რომ ქვეყანაში რევოლუცია, დაპირისპირება წარმატებულად ჩატარებულიყო. გულდასაწყვეტია, რომ ამის უკან დამფინანასებელი ორგანიზაცია USAID-ის სახით გვხვდება. ჩვენ მოვისმინეთ სახელმწიფო უსაფრთხოების სამსახურის მხრიდან გაკეთებული განცხადებები. ვნახეთ ორგანიზაცია „კანვასის“ წევრების განცხადებები, თითქოს ახორციელებდნენ პროექტს, რაც ხელს უწყობდა მძიმე დაავადების მქონე ბავშვების მშობლების ტრენინგს, თუმცა ცხადი გახდა რასთან დაკავშირებით ტარდებოდა აღნიშნული ტრენინგები, რა სწავლებები მიმდინარეობდა. განმარტებები რაც მოვისმინეთ იყო შემაშფოთებელი. თუ ასეთი ქმედებები გაგრძელდება, ეს პირდაპირ არის რევოლუციის ხელშეწყობა",- აღნიშნა კახა კალაძემ.

ავტორი: NS (სტატია დაფინანსებულია),

სოციალური ქსელები

ფილფანი - „ოცნებამ“ საზოგადოება სოციალური ნიშნით გაყო

პროკურატურამ ,,კანონიერი ქურდობის“, „ქურდული სამყაროს“ წევრობის, „ქურდული სამყაროს“ საქმიანობის მხარდაჭერის ფაქტებზე 50 პირს ბრალდება წარუდგინა

დაიწყე კარიერა ტექნოლოგიებში თიბისი IT აკადემიასთან ერთად

სააკაშვილი: ჩვენ გვჭირდება ადამიანები სტრატეგიული ხედვითა და დიდი გამბედაობით