2023-10-23 21:16:14, 835 ნახვა
მსოფლიო
ისრაელის თავდაცვის მინისტრი - ისრაელი ღაზას სექტორში სახმელეთო შეტევას განახორციელებს
ისრაელის თავდაცვის მინისტრი იოავ გალანტი აცხადებს, რომ ისრაელი განახორციელებს სახმელეთო შეტევას ღაზას სექტორში და ეს ლეტალური თავდასხმა იქნება. ამის შესახებ ისრაელის მედია წერს.
გალანტმა ისრაელის საზღვაო ძალებს განუცხადა, რომ მათ უნდა განაგრძონ მზადყოფნა შეტევისთვის, რადგან ის აუცილებლად იქნება.
„ჩვენ საფუძვლიანად ვემზადებით. ეს იქნება სასიკვდილო შეტევა. ეს იქნება კომბინირებული თავდასხმა ხმელეთიდან, ზღვიდან და ჰაერიდან. აკეთეთ თქვენი საქმე, მოემზადეთ, ჩვენ გამოგიძახებთ“, - განაცხადა გალანტმა.
ავტორი: ექსპრესნიუსი,
epn.ge (@expressnews.ge)
