ჩვენი ქვეყნის დამოუკიდებლობის ისტორიის მანძილზე პირველად, დაიწყო საქართველოს პრეზიდენტის იმპიჩმენტის პროცედურა და სამარცხვინოდ, ამ ქვეყნის საკონსტიტუციო სასამართლომ, კიდევ ერთხელ დაადასტურა, რომ არანაირი დამოუკიდებელი სასამართლო ჩვენს ქვეყანაში არ არსებობს და გამოიტანა დასკვნა, რომ პრეზიდენტმა დაარღვია ჩვენი ქვეყნის კონსტიტუცია,- ამის შესახებ ოპოზიციონერმა დეპუტატმა, სალომე სამადაშვილმა პარლამენტის პლენარულ სხდომაზე განაცხადა.

სამადაშვილის თქმით, იმპიჩმენტის პროცესი უკავშირდება პრეზიდენტის მიერ გადადგმულ კონკრეტულ ნაბიჯებს - ვიზიტებს ევროპაში, რათა  საქართველომ ევროკავშირში გაწევრიანების კანდიდატის სტატუსი მოიპოვოს.

„დღეს, როდესაც ევროკავშირი ძალიან ცალსახად გვეუბნება, რომ როგორც საზოგადოებამ ასევე, პოლიტიკურმა სპექტრმა, უნდა აჩვენოს სრულიად უპრეცედენტო ერთიანობა იმისთვის, რომ ჩვენ არ დავკარგოთ შესაძლებლობა და მივიღოთ კანდიდატის სტატუსი. მანტიამოსხმულმა ივანიშვილის ჯიბის მოსამართლეებმა სამარცხვინო რუსული დავალების შესრულება გადაწყვიტეს, რომელთაც გადაწყვეტილება გააფორმეს. თუმცა, კარგია რომ აღმოჩნდა სამი მოსამართლე, რომელმაც საკუთარი სინდისის შესაბამისად, დაწერა საკუთარი დასკვნა",- განაცხადა სალომე სამადაშვილმა.

მისი თქმით, მმართველი გუნდი რუსეთისგან მიღებულ დავალებას ასრულებს.

„მესმის რომ ამას აკეთებთ, რადგან ეს არის დავალება, რომელიც გაქვთ მიღებული რუსეთისგან, რათა დააკოჭლოთ და გაანადგუროთ საქართველოს სახელმწიფო, მისი ინსტიტუცია და სწორედ ამ დავალების შესრულება არის ის სამარცხვინო იმპიჩმენტის პროცედურა, რომელიც წამოიწყო რუსულმა ოცნებამ ჩვენს ქვეყანაში",- თქვა სამადაშვილმა.

ავტორი: ექსპრესნიუსი,

სოციალური ქსელები

ნიკა გვარამია მიიჩნევს, რომ პარტიები „ლელო - ძლიერი საქართველო“ და „გახარია საქართველოსთვის“ ოპოზიციურ ალიანსში უნდა მიიღონ

ქართველი მედიკოსები დიუშენის სინდრომის მქონე ბავშვების და მათი მშობლების მხარდასაჭერად ერთიანდებიან

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ