10 ოქტომბერს, ღაზას სექტორის საზღვართან მდებარე კიბუც ბეერში 100-ზე მეტი ცხედარი იპოვეს. აღნიშნულის შესახებ ინფორმაციას ისრაელის მოხალისეობრივი სამძებრო-სამაშველო ორგანიზაცია ZAKA ავრცელებს.

როგორც ორგანიზაციაში აცხადებენ, ამ ეტაპზე 108 ცხედარია ნაპოვნი, თუმცა კიბუცის ტერიტორია ჯერჯერობით სრულად არ არის გაწმენდილი და შესაძლოა, ეს რიცხვი კიდევ გაიზარდოს.

"დღეს მოხალისეები შევიდნენ კიბუც ბეერში. შეუძლებელია სიტყვებით ახსნა, რა საშინელი სანახაობა იყო - ზოგი ზრდასრული იყო, ზოგიც ბავშვი. ეს არის საშინელება, რომელის აღქმაც შეუძლებელია",- აცხადებენ ZAKA-ში.

მათივე განცხადებით, ამ ეტაპზე ცნობილი დაღუპულთა რაოდენობის მიხედვით, "ჰამასის" ტერორისტებმა კიბუც ბეერის მოსახლეობის 10% გაანადგურეს.

ცნობისთვის, 7 ოქტომბერს ღაზას სექტორიდან ისრაელის სამხრეთით მოულოდნელი სარაკეტო და სახმელეთო იერიში წამოიწყეს. 

თავდასხმაზე პასუხისმგებლობა ისლამისტურმა დაჯგუფება "ჰამასმა" აიღო და ისრაელის წინააღმდეგ ოპერაციის "ალ-აკსას წარღვნა" დაწყების შესახებ განაცხადა. 

იერიშის საპასუხოდ ისრაელის თავდაცვის სამინისტრომ ოპერაცია, სახელწოდებით "რკინის ხმლები" დაიწყო.

8 ოქტომბერს ისრაელს ლიბანის ტერიტორიიდან ცეცხლი გაუხსნა "ჰეზბოლამაც", რასაც ქვეყანამ საარტილერიო იერიშით უპასუხა, რის შემდეგაც ისრაელის უსაფრთხოების კაბინეტმა საომარი მდგომარეობა ოფიციალურად გამოაცხადა და ღაზას სექტორზე არაერთი იერიში მიიტანა.

გუშინ, 9 ოქტომბერს ქვეყნის თავდაცვის ძალებმა გაავრცელეს ინფორმაცია, რომ ისრაელმა ღაზას საზღვართან მდებარე ყველა ქალაქზე კონტროლი დაიბრუნა. 

გუშინვე, ისრაელის თავდაცვის მინისტრმა, იოავ გალანტმა ღაზას სექტორის სრული ბლოკირების ბრძანება გასცა.

ავტორი: ექსპრესნიუსი,

სოციალური ქსელები

სხვადასხვა ქალაქების დაბომბვის შედეგად, უკრაინაში 6 ადამიანი დაიღუპა და 47 დაიჭრა

ივანიშვილის დეპუტატის ვიქტორ ჯაფარიძის შვილის კომპანიამ 10.4 მილიონი ლარის ტენდერები მოიგო

მოსკოვის გარშემო 40-ზე მეტი დამატებითი საჰაერო თავდაცვის კოშკი დამონტაჟდა

რუსეთმა ხარკოვსა და ზაპოროჟიეზე იერიში ზელენსკის მიერ გამოცხადებული „ცეცხლის შეწყვეტის“ შემდეგ მიიტანა