2023-10-09 20:34:17, 602 ნახვა
საზოგადოება
თბილისის მერია - ძლიერმა ქარმა დედაქალაქს პრობლემები შეუქმნა
ძლიერმა ქარმა პრობლემები შეუქმნა დედაქალაქს. ხეების წაქცევის რამდენიმე შემთხვევა დაფიქსირდა სხვადასხვა ლოკაციაზე, რამაც ელექტროსადენები დააზიანა. ამის შესახებ მერიის მიერ გავრცელებულ განცხადებაშია აღნიშნული.
მათივე ინფორმაციით, ადგილი ჰქონდა კედლის ჩამოშლის ფაქტს მარიჯანის ქუჩაზე.
ძლიერმა ქარმა ძირითადად საბურთალოს და ვაკის რაიონები დააზარალა.
თბილისის მერიის შესაბამისი უწყებები, გამგეობების წარმომადგენლები იმყოფებიან ყველა პრობლემურ ადგილზე, მიმდინარეობს ხეებისგან გზების გაწმენდა.
საჭიროების შემთხვევაში მოქმედებს მერიის ცხელი ხაზი: 2722222.
ავტორი: ექსპრესნიუსი,
epn.ge (@expressnews.ge)
