დაცული ტერიტორიების სააგენტოში, ამერიკის შეერთებული შტატების სატყეო სამსახურის წარმომადგენლებთან გამართულ შეხვედრაზე, ბორჯომ-ხარაგაულის ეროვნული პარკის ხანძრების მართვის გეგმის სამუშაო ვერსია განიხილეს. ამის შესახებ ინფორმაციას გარემოს დაცვისა და სოფლის მეურნეობის სამინისტროს დაცული ტერიტორიების სააგენტო ავრცელებს.

სააგენტოს ცნობით, აღნიშნული გეგმის შემუშავებაში ამერიკელი სპეციალისტები აქტიურად არიან ჩართული.

"შეხვედრის ფარგლებში, მონაწილე მხარეებმა იმსჯელეს ტყის ხანძრის მართვის სხვადასხვა მეთოდებსა და სტრატეგიებზე, რომლებიც მიზნად ისახავს გლობალური დათბობის პირობებში ტყე-პარკების და ბუნებრივი რესურსების უსაფრთხოების გაძლიერებას.

დაცული ტერიტორიების სააგენტოს ამერიკის შეერთებული შტატების სატყეო სამსახურთან მრავალწლიანი წარმატებული თანამშრომლობის გამოცდილება აქვს.

აღნიშნული პარტნიორობის ფარგლებში, განხორციელებულია არაერთი პროექტი, რომლებსაც მნიშვნელოვანი წვლილი მიუძღვის საქართველოს დაცული ტერიტორიების გამართული სისტემის ჩამოყალიბებასა და ფუნქციონირებაში",- ნათქვამია სააგენტოს ინფორმაციაში.

ავტორი: NS (სტატია დაფინანსებულია),

სოციალური ქსელები

ინტერნეტ მემი პროტესტად გადაიქცა: „ტარაკნების პარტიამ“ ნიუ დელიში უვადო საპროტესტო აქცია დაიწყო

კობახიძემ უკრაინელ ბავშვებს უმასპინძლა რომლებმაც მამები ომში დაკარგეს

Axios: ტრამპი აღიარებს, რომ „ანკორიჯის სულისკვეთებას“ ტოვებს

ტრამპი ირანზე - შეიძლება დადგეს დრო, როდესაც სამხედრო საშუალებებით მოგვიწევს დავასრულოთ ის, რაც დავიწყეთ