11 წლის განმავლობაში, თქვენ არათუ არაფერი ააშენეთ ანაკლიაში, ისიც ვერ შეძელით, რომ რაც დაგიტოვეთ, ის მაინც შეგენარჩუნებინათ და იმისთვის მოგევლოთ,- ასე მიმართა "ერთიანი ნაციონალური მოძრაობის" დეპუტატმა, ანა წითლიძემ ეკონომიკისა და მდგრადი განვითარების მინისტრ ლევან დავითაშვილს, რომელსაც პარლამენტის პლენარულ სხდომაზე ინერპელაციის წესით უსმენენ.

როგორც წითლიძემ სიტყვით გამოსვლისას აღნიშნა, ანაკლიის ღრმაწყლოვან პორტს საქართველოსთვის გეოპოლიტიკური მნიშვნელობა აქვს და "ის  აუცილებლად აშენდება".

"ანაკლია აქციეთ მიტოვებულ და გაპარტახებულ ქალაქად, სადაც უბრალოდ რომ შეხვიდეთ, ნორმალურ ადამიანს გული მოუკვდება. აქ იკითხეს, როდის შემოვა ანაკლიაში პირველი გემი, როდის დაიწყება ან დასრულდება პორტის მშენებლობაო. მე არ ვიცი, თუ კიდევ ვინმე დარჩა თუნდაც ოპოზიციის მხრიდან ამ პარლამენტში, ვისაც სჯერა, რომ თქვენი რუსული ხელისუფლების პირობებში შეიძლება ანაკლიის პორტი აშენდეს იმიტომ, რომ ანაკლიის პორტს არა მხოლოდ ეკონომიკური მნიშვნელობა აქვს, არამედ არის მნიშვნელოვანი გეოპოლიტიკურადაც, განსაკუთრებით რუსეთის სამხედრო აგრესიის შემდეგ უკრაინაში, განსაკუთრებით მას შემდეგ, რაც დასავლეთმა სანქციები დაუწესა რუსეთს, ანაკლიის ღრმაწყლოვანი პორტი იძენს ათმაგ მნიშვნელობას. თქვენ ვინ გკითხავთ, ბ-ნო მინისტრო, ანაკლიის პორტი აშენდება თუ არა, ან ირაკლი ჩიქოვანს ვინ კითხავს? ანაკლიის პორტთან დაკავშირებით ივანიშვილმა მკაფიოდ თქვა და თქვენ რასაც აკეთებთ პორტთან დაკავშირებით, არის ის, რომ მხოლოდ ასრულებთ მის ბრძანებას, მაგრამ ეს პორტი აუცილებლად აშენდება",- მიმართა წითლიძემ დავითაშვილს.

ავტორი: ექსპრესნიუსი,

სოციალური ქსელები

გერმანიის შეიარაღებული ძალების მეთაური: რუსეთმა შესაძლოა ნატოს 2029 წელს შეუტიოს

ჰელსინკის აეროპორტის ფუნქციონირება დრონის გამო შეჩერდა

საუდის არაბეთმა ირანსა და ახლო აღმოსავლეთის ქვეყნებს შორის თავდაუსხმელობის შესახებ პაქტის გაფორმების წინადადება წამოაყენა - Financial Times

უკრაინულმა დრონები რუსეთის ერთ-ერთ უდიდეს ნავთობგადამამუშავებელ ქარხანას თავს დაესხნენ, სამი ადამიანი დაიღუპა.