2023-09-21 23:14:19, 1120 ნახვა
მსოფლიო
პენტაგონი - პოლონეთის გადაწყვეტილება უკრაინისთვის იარაღის მიწოდების შეწყვეტის შესახებ სუვერენული გადაწყვეტილებაა
პოლონეთის გადაწყვეტილება უკრაინისთვის იარაღის მიწოდების შეწყვეტის შესახებ სუვერენული გადაწყვეტილებაა, - ამის შესახებ პენტაგონის ოფიციალურმა წარმომადგენელმა, პატრიკ რაიდერმა განაცხადა.
რაიდერის თქმით, ნებისმიერ ქვეყანას აქვს შესაძლებლობა გადაწყვიტოს, უკრაინას რა დონის მხარდაჭერას გაუწევს.
"ჩვენ ყოველთვის ვამბობდით, რომ ნებისმიერი ქვეყნის სუვერენული გადაწყვეტილებაა, გადაწყვიტოს, რა დონის მხარდაჭერას გაუწევენ უკრაინას", - აღნიშნა პენტაგონის პრესმდივანმა, პატრიკ რაიდერმა.
ცნობისთვის, პოლონეთის პრემიერ-მინისტრმა, მატეუშ მორავეცკიმ განაცხადა, რომ პოლონეთი უკრაინას ამჟამად არ გადასცემს სამხედრო დახმარებას, რადგან ის ორიენტირებულია საკუთარი არმიის გადაიარაღებაზე.
ავტორი: ექსპრესნიუსი,
epn.ge (@expressnews.ge)
