თბილისში, დოლიძის ქუჩაზე მკვლელობა მოხდა. როგორც სპეციალური საგამოძიებო სამსახურის სამმართველოს უფროსმა, ბაჩანა კვარაცხელიამ ჟურნალისტებს განუცხადა, ყოფილი ცოლისა და სიდედრის მკვლელობაში შინაგან საქმეთა სამინისტროს მოქმედი თანამშრომელია ბრალდებული.

კვარაცხელიას თქმით, შემთხვევის შემდეგ, მამაკაცმა თავის არეში თვითდაზიანება მიიყენა. 

"შინაგან საქმეთა სამინისტროს მოქმედმა თანამშრომელმა მისი ყოფილი მეუღლისა და სიდედრის მისამართით ცეცხლსასროლი იარაღიდან განახორციელა გასროლა, რის შემდეგაც თავის არეში მიიყენა თვითდაზიანება. იგი ამჟამად გადაყვანილია სამედიცინო კლინიკაში. ჩვენს ხელთ არსებული ინფორმაციით, შემთხვევის ადგილზე იმყოფებოდნენ გარდაცვლილის არასრულწლოვანი შვილები და ასევე, ერთი პირი შეესწრო მომხდარ ფაქტს",- განაცხადა კვარაცხელიამ.

სპეციალურმა საგამოძიებო სამსახურმა მომხდარ ფაქტთან დაკავშირებით გამოძიება საქართველოს სისხლის სამართლის კოდექსის 11 პრიმა 109-ე მუხლით დაიწყო, რაც 2 ან მეტი პირის მიმართ განზრახ მკვლელობას გულისხმობს.

ავტორი: ექსპრესნიუსი,

სოციალური ქსელები

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა

პირმა წარსულში არსებული დავის ნიადაგზე 2 კაცი მოკლა

ახმეტაში, შვილის გადარჩენის მცდელობისას მამაკაცი ტბაში დაიხრჩო

ბრიტანეთმა რუსული „ჩრდილოვანი ფლოტის“ ტანკერი დააკავა