2023-08-03 21:38:12, 1114 ნახვა

---

ტრამპი - ახლა ვაშინგტონში მივემგზავრები, სადაც დამაკავებენ იმის გამო, რომ მოპარული არჩევნების შედეგები ეჭვის ქვეშ დავაყენე

აშშ-ის ყოფილი პრეზიდენტი დონალდ ტრამპი 2020 წლის საპრეზიდენტო არჩევნების შედეგების გაუქმების მცდელობის საქმეზე ბრალის წაყენებას ეხმაურება. 

როგორც დონალდ ტრამპი სოციალურ ქსელში წერს, ის ვაშინგტონში მიემგზავრება, სადაც მას დააკავებენ, იმის გამო, რომ მან ეჭვქვეშ დააყენა კორუმპიურებული და მოპარული არჩევნების შედეგები.

„ახლა ვაშინგტონში მივემგზავრები, სადაც დამაკავებენ იმის გამო, რომ ეჭვის ქვეშ დავაყენე კორუმპირებული, გაყალბებული და მოპარული არჩევნების [შედეგები]. ეს დიდი პატივია, რადგან თქვენთვის მაკავებენ. კვლავ გავხადოთ ამერიკა დიადი!“ - წერს ტრამპი Truth Social-ის გვერდზე.

შეგახსენებთ, ნაფიცმა მსაჯულებმა მხარი დაუჭირეს დონალდ ტრამპისთვის ბრალის წაყენებას 2020 წლის საპრეზიდენტო არჩევნების შედეგების გაუქმების მცდელობის საქმეზე.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი