ნატოს გენერალური მდივანი იენს სტოლტენბერგი უკრაინის პრეზიდენტის, ვოლოდიმირ ზელენსკის თხოვნით, ახლადშექმნილი ნატო-უკრაინის საბჭოს სხდომას იწვევს. უკრაინული მედიის ცნობით, ამის შესახებ ჩრდილოატლანტიკური ალიანსის სპიკერმა, ოანა ლუნგესკუმ განაცხადა. 

სპიკერის თქმით, სხდომაზე მთავარი განსახილველი საკითხები უკრაინაში განვითარებული "ბოლოდროინდელი მოვლენები და შავი ზღვის გავლით მარცვლეულის ტრანსპორტირება" იქნება. 

"ნატოს გენერალური მდივანი იენს სტოლტენბერგი დათანხმდა უკრაინული მხარის თხოვნას, მოიწვიოს ახლად შექმნილი ნატო-უკრაინის საბჭოს სხდომა. შეხვედრა ელჩების დონეზე ოთხშაბათს გაიმართება, რათა "კონსულტაციები გამართონ ბოლო მოვლენებზე და განიხილონ უკრაინული მარცვლეულის ტრანსპორტირების საკითხი შავი ზღვის გავლით",- აცხადებს ოანა ლუნგესკუ.

ცნობისთვის, მანამდე, უკრაინის პრეზიდენტმა, ვოლოდიმირ ზელენსკიმ თქვა, რომ უკრაინა გაანადგურებს რუსულ გემებს, თუ რუსეთის ფედერაცია გადაწყვეტს შავ ზღვაში სამოქალაქო გემებზე თავდასხმას „მარცვლეულის შეთანხმებიდან“ გასვლის შემდეგ.

აღსანიშნავია, რომ რუსეთმა "მარცვლეულის შეთანხმება", რომელიც გასულ წელს თურქეთისა და გაეროს შუამავლობით გაფორმდა, მიმდინარე წლის 17 ივლისს შეაჩერა. 

შეთანხმების შეჩერების შემდეგ, 19 ივლისს ქვეყნის თავდაცვის სამინისტრომ გაავრცელა განცხადება, რომლის მიხედვითაც, "2023 წლის 20 ივლისის 00:00 საათიდან, ყველა გემი, რომელიც შავ ზღვაში უკრაინის პორტებისკენ მიდის, განიხილება, როგორც სამხედრო ტვირთის პოტენციური გადამზიდავი. ის სახელმწიფოები, რომელთა დროშის ქვეშაც ასეთი გემები გადაადგილდებიან, განიხილებიან როგორც უკრაინის კონფლიქტში ჩართული მონაწილეები, კიევის რეჟიმის მხარეს".

მოსკოვს 20 ივლისს უპასუხა უკრაინამ. ქვეყნის თავდაცვის სამინისტროს განცხადებაში ნათქვამი იყო, რომ "2023 წლის 21 ივლისს 00:00 საათიდან ყველა გემი, რომელიც მიემართება შავი ზღვის წყლებში რუსეთის ფედერაციის საზღვაო პორტებისა და რუსეთის მიერ დროებით ოკუპირებული უკრაინის ტერიტორიაზე მდებარე უკრაინის საზღვაო ნავსადგურების მიმართულებით, უკრაინამ შეიძლება ჩათვალოს სამხედრო ტვირთის გადამზიდავად".

ავტორი: ექსპრესნიუსი,

სოციალური ქსელები

იტალიის პრემიერ-მინისტრი პუტინის G20-ის სამიტზე მიწვევას ეწინააღმდეგება

მედია: ტრამპმა პაკისტანში ირანთან მოსალაპარაკებლად აშშ-ს დელეგაცია არ გაგზავნა

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა