2023-06-29 13:04:19, 876 ნახვა
პოლიტიკა
ოდიშარია ხაბეიშვილზე - მსოფლიო ჩემპიონატი რომ იყოს დამსმენებში, ალბათ, მეორე ადგილზე გავიდოდა
მსოფლიო ჩემპიონატი რომ იყოს დამსმენებში, ალბათ, მეორე ადგილზე გავიდოდა,- ამის შესახებ "ქართული ოცნების" დეპუტატმა, ბექა ოდიშარიამ "ერთიანი ნაციონალური მოძრაობის" თავმჯდომარესთან, ლევან ხაბეიშვილთან დაკავშირებით განაცხადა.
ოდიშარიას თქმით, ოპოზიციონერი ლიდერი 1937 წელს მოქმედ ადამიანებს ახსენებს.
"ლევან ხაბეიშვილი არის ცნობილი დამსმენი, შარიკოვი. მე ის მახსენებს 1937 წელს მოქმედ ადამიანებს, რომლებიც სამეულებს ქმნიდნენ და ადამიანებს ხელს ადებდნენ და უდანაშაულოებს იჭერდნენ, ხვრეტდნენ. მადლობა ღმერთს, მაგის საშუალება ლევან ხაბეიშვილს არ ექნება. მსოფლიო ჩემპიონატი რომ იყოს დამსმენებში, ალბათ, მეორე ადგილზე გავიდოდა ცნობილი გარემოებების გამო",- განაცხადა ოდიშარიამ "ტვ პირველთან" საუბრისას.
ავტორი: ექსპრესნიუსი,
epn.ge (@expressnews.ge)
