ხომ არ შეიძლება ზოგიერთი ე.წ. უსაფრთხოების ექსპერტის უადგილოდ ნათქვამ რაღაც იდეებს იყოს აყოლილი ესა თუ ის სახელმწიფო ინსტიტუტი,- ასე ეხმაურება პარლამენტის თავმჯდომარე შალვა პაპუაშვილი უსაფრთხოების საბჭოს მოწვევის შესახებ პრეზიდენტ სალომე ზურაბიშვილის მოწოდებას.

როგორც პაპუაშვილმა მედიის წარმომადგენლებთან საუბრისას აღნიშნა, უსაფრთხოების საბჭო პრემიერ-მინისტრის სათათბირო ორგანოა და მთავრობის მეთაური გადაწყვეტს, როდის სჭირდება თათბირის გამართვა.

"რაც შეეხება პრეზიდენტის განცხადებას განსაკუთრებით უსაფრთხოების საბჭოსთან დაკავშირებით, მე მგონი, კიდევ ერთხელ აქაც უნდა დავფიქრდეთ, რაზეა საუბარი. არასერიოზულია უკვე ამდენჯერ გამეორება, მართლა ხომ არ შეიძლება ზოგიერთი ე.წ. უსაფრთხოების ექსპერტის რაღაც, ბიდიში და უადგილოდ ნათქვამ რაღაც იდეებს იყოს აყოლილი ესა თუ ის სახელმწიფო ინსტიტუტი.

უსაფრთხოების საბჭო პრემიერის სათათბირო ორგანოა. რა დამოკიდებულებაა, რომ სხვა ორგანოს უთხრა, თათბირი გამართოს თავისი სათათბირო ორგანოსთან - თავად გადაწყვეტს, როდის სჭირდება თათბირის გამართვა",- ამბობს პაპუაშვილი.

ცნობისთვის, საქართველოს პრეზიდენტმა, სალომე ზურაბიშვილმა პრემიერ-მინისტრ ირაკლი ღარიბაშვილს უსაფრთხოების საბჭოს დაუყოვნებლივ მოწვევისკენ 24 ივნისს, რუსეთის ფედერაციაში განვითარებული მოვლენების ფონზე მოუწოდა. 

ავტორი: ექსპრესნიუსი,

სოციალური ქსელები

ზელენსკიმ ტრამპთან საუბრის დეტალები გაამხილა

ვუჩიჩი გადადგომამდე თბილისში ჩამოვა

ესაა სახელმწიფოს პოლიტიკა, რაზეც პასუხისმგებლობა ივანიშვილსა და ოცნებას ეკისრებათ - TI წამებაზე

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა