ქართულ  პროდუქციას თავისუფალი ვაჭრობის რეჟიმით შესვლა მსოფლიო სამომხმარებლო ბაზრის 1/3-ში შეუძლია, რაც 2.3 მილიარდიან სამომხმარებლო ბაზარს წარმოადგენს, - ამის შესახებ ეკონომიკისა მინისტრის მოადგილემ, გენადი არველაძემ  პარლამენტის საგარეო ურთიერთობათა კომიტეტში მოხსენების დროს განაცხადა.

მინისტრის მოადგილის ინფორმაციით, საქართველოს ამჟამად თავისუფალი ვაჭრობის რეჟიმი აქვს 45 ქვეყანასთან და ერთ საბაჟო ტერიტორიასთან (ჰონგ-კონგი).

„თუ გავაანალიზებთ, რა შედეგი მოიტანა თავისუფალი ვაჭრობის რეჟიმების განვითარებამ საქართველოს ექსპორტისთვის, ვნახავთ, რომ ადგილობრივი  ექსპორტის (რეექსპორტის გარეშე) დიდი წილი - 82% თავისუფალი ვაჭრობის რეჟიმის მქონე ქვეყნებში გავიდა. ამასთან, შემცირდა საქართველოს დსთ-ს ქვეყნების ბაზრებზე ექსპორტდამოკიდებულების წილი და ადგილობრივი ექსპორტი მნიშვნელოვნად გაიზარდა იმ ქვეყნებში, რომლებთანაც საქართველომ გააფორმა ახალი თავისუფალი ვაჭრობის შეთანხმებები" - აღნიშნა მინისტრის მოადგილემ.

გენადი არველაძემ ხაზი გაუსვა იმ ფაქტს, რომ თავისუფალი ვაჭრობის შესახებ ახალი თაობის შეთანხმებების გაფორმების შემდგომ, 2022 წელს, 2014 წელთან შედარებით, დაფიქსირდა არა მხოლოდ ტრადიციული საექსპორტო პოზიციების ზრდა, არამედ ექსპორტში გამოჩნდა ახალი პროდუქციაც.

ავტორი: NS (სტატია დაფინანსებულია),

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება