2023-06-15 23:08:45, 833 ნახვა

---

სტიქიის შედეგად გურჯაანის მოსახლეობას ელექტროენერგია და ბუნებრივი აირი ამ დრომდე არ მიეწოდება - ბოლო ცნობები

გურჯაანის მუნიციპალიტეტში სტიქიის შედეგად არსებულ სიტუაციას ამ წუთებამდე ებრძვიან.

სტიქიის ზონაში ამჟამად რჩება სპეციალური ტექნიკა, რომელიც დატბორილ ადგილებზე გაწმენდით სამუშაოებს ასრულებს.

სტიქიის შედეგად ასევე დაზიანდა ელექტროგადამცემი ხაზები და საყრდენები, რის შედეგადაც რამდენიმე სოფელს ამ დრომდე არ მიეწოდება ელექტროენერგია და ბუნებრივი აირი.

ენერგოკომპანიაში აცხადებენ, რომ მობილიზებულია ტექნიკური ჯგუფები და დაიწყება აღდგენითი სამუშაოები.

მომხდარის შემდეგ დაიკეტა გურჯაანის "გლეხური ბაზარი" და მიმდებარე ტერიტორიაზე ასევე არ ფუნქციონირებს ბანკები.

სტიქიის ზონაში ჩავიდა კახეთის გუბერნატორი, გიორგი ალადაშვილი, რომელმაც განაცხადა, რომ ამ დროისათვის არ არის დაანგარიშებული ზარალის ოდენობა და აღნიშნავს, რომ მთავარია სტიქიის სალიკვიდაციო სამუშაოები წარმატებით წარიმართოს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი