რუსი ოკუპანტების მიერ 15 ივნისის ღამის საჰაერო თავდასხმის დროს გაშვებული Shahed-ის 20-ვე დრონი, 4 ფრთოსანი რაკეტიდან 1 და Orlan-10-ის ტიპის სადაზვერვო დრონი გავანადგურეთ,- აღნიშნულის შესახებ განცხადებას უკრაინის საჰაერო თავდაცვის ძალები ავრცელებს.

მათი ცნობით, ოთხმა Tu-95ms-მა თვითმფრინავმა განახორციელა Kh-101/Kh-555 ტიპის ფრთოსანი რაკეტების გაშვება კასპიის ზღვიდან.

"15 ივნისს, ღამის 00:20 საათიდან 04:30 საათამდე, რუსი დამპყრობლები თავს დაესხნენ უკრაინას Kh-101/Kh-555-ის საჰაერო საკრუიზო რაკეტებით და Shahed-136/131-ის დრონებით. ოთხმა Tu-95ms-მა სტრატეგიულმა საავიაციო თვითმფრინავმა კასპიის ზღვიდან ოთხი X-101/X-555-ის საკრუიზო რაკეტა გაუშვა. ერთ-ერთი რაკეტა განადგურდა, დანარჩენი კი დნეპროპეტროვსკის რეგიონში სამრეწველო ობიექტებს მოხვდა. 

ირანული Shahed-ები მტერმა ჩრდილოეთ და სამხრეთ მიმართულებიდან გაუშვა. 20-ვე თავდასხმის დრონი განადგურდა.

გარდა ამისა, განადგურდა მოწინააღმდეგის Orlan-10-ის უპილოტო საფრენი აპარატი, რომელიც აწარმოებდა საჰაერო დაზვერვას აღმოსავლეთის მიმართულებით",- აღნიშნულია განცხადებაში.

ავტორი: ექსპრესნიუსი,

სოციალური ქსელები

ტრამპი ფაშინიანს არჩევნებში გამარჯვებას ულოცავს

როგორ შეცვალა ციფრულმა განვადებამ E-commerce გაყიდვები საქართველოში

ივანიშვილის ყოფილი პირადი მცველი შს მინისტრის მოადგილედ დაინიშნა

ნანუკა ჟორჟოლიანი ენმ-სთან კონსულტაციებს ადასტურებს