აჭარის პოპულარიზაცია სკანდინავიის ქვეყნებში მიმდინარეობს. ამის შესახებ ინფრომაციას აჭარის ტურიზმისა და კურორტების დეპარტამენტი ავრცელებს.

უწყების ცნობით, რეგიონისა და ზოგადად, საქართველოს ცნობადობის გაზრდის მიზნით წელს, პირველად მოეწყო პრეზენტაციები დანიაში, ნორვეგიასა და შვედეთში, რომელსაც ადგილობრივი მსხვილი ტურისტული კომპანებისა და ბიზნეს ორგანიზების წარმომადგენლები ესწრებოდნენ.

"ღონისძიებების ფარგლებში აჭარის ტურიზმის დეპარტამენტისა და საქართველოს საკონვენციო ბიუროს წარმომადგენლების ჩართულობით გაიმართა B2B ფორმატის შეხვედრები, სადაც ქართველმა და სკანდინავიელმა ტუროპერატორებმა ერთობლივი ტურისტული პაკეტების შემუშავებისა და ურთიერთანამშრომლობის შესაძლებლობები განიხილეს. კოპენჰაგენში, ოსლოსა და სტოკჰოლმში გამართული პრეზენტაციების ორგანიზებაში ჩართული იყო საქართველოს საელჩოს წარმომადგენლები დანიის სამეფოში.

სკანდინავიის ქვეყნები აჭარისთვის ახალ სამიზნე ქვეყნებს წარმოადგენს, სადაც რეგიონისა და ზოგადად ქვეყნის ცნობადობის გაზრდა იგეგმება. სკანდინავიელი ტურისტები მაღალმხარჯველუნარიანობით გამოირჩევიან და ბევრს მოგზაურობენ. საქართველოში მათი მოგზაურობის სტიმულირებისთვის, აჭარის ტურიზმის დეპარტამენტი პრესინფოტურებისა და სხვა მასტიმულირებელი ღონისძიებების ორგანიზებას გეგმავს", - ნათქვამია განცხადებაში.

ავტორი: NS (სტატია დაფინანსებულია),

სოციალური ქსელები

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი