2023-06-13 22:40:17, 604 ნახვა

---

ეკა ბოჭორიშვილი - საკანონმდებლო ცვლილების მიზანი პაციენტების ინტერესების დაცვა, უსაფრთხოება, ჯანმრთელობის მდგომარეობა და სამედიცინო მომსახურების კონტროლია

„საკანონმდებლო ცვლილებების მიზანი პაციენტის ინტერესების დაცვა, უსაფრთხოება და  მომსახურების ხარისხის კონტროლია“,  - ამის შესახებ ჯანდაცვის სამინისტროს „სამედიცინო და ფარმაცევტული საქმიანობის რეგულირების სააგენტოს“ სახელმწიფო პროგრამების რევიზია/კონტროლის სამმართველოს უფროსმა ეკა ბოჭორიშვილმა, „ჯანმრთელობის დაცვის შესახებ“ საქართველოს კანონში შესატან ცვლილებებთან დაკავშირებით განაცხადა.

მისივე თქმით, უწყებას, დროული და  ოპერატიული მუშაობისთვის, პაციენტის საჩივრის საფუძველზე დაუყოვნებელი რეაგირების უფლებამოსილება მიენიჭება, რასაც, 72 საათის განმავლობაში, სხვადასხვა ეტაპების გავლა სჭირდებოდა.

 „მუშაობის პრაქტიკამ აჩვენა, რომ აუცილებელია მუდმივი კონტროლი და მონიტორინგი“, - განაცხადა ეკა ბოჭორიშვილმა.

 მისივე განმარტებით „ჯანმრთელობის დაცვის შესახებ“ საქართველოს კანონში  ცვლილებების ამოქმედების შემთხვევაში, მაკონტროლებელი ორგანოს ფუნქციები გაძლიერდება. კერძოდ, მას მიენიჭება სახელმწიფო კონტროლს დაქვემდებარებულ ობიექტებზე თავისუფლად, წინასწარი შეტყობინების გარეშე შესვლის, მასალის, ნივთის და ა.შ. გამოთხოვის შესაძლებლობა, საზედამხედველო ობიექტის დათვალიერება, დალუქვა და სხვა.

„დღეს, საქართველოში, კლინიკების უმრავლესობა, სახელმწიფო პროგრამების ფარგლებში იღებს დაფინანსებას. შესაბამისად, დაწესებულებები შესრულებული სამუშაოების თანხების მოთხოვნის მიზნით, განმახორციელებლისგან ძალიან დიდი რაოდენობით თანხას იღებს.

პერიოდულობით  რეგულირების სააგენტოს შესაბამისი ჯგუფი სახელმწიფო პროგრამის რევიზია-კონტროლს ახორციელებს, დარღვევების გამოვლენის, არამიზნობრივი ხარჯვის, ან არასწორი მართვის შემთხვევაში ფორმდება აქტი.

არსებული პრაქტიკიდან გამომდინარე, კლინიკების მხრიდან დავა სასამართლოში წლების განმავლობაში გრძელდება, რაც უფრო დიდ ვადებთან არის დაკავშირებული. შესაბამისად, დღევანდელი მდგომარეობით, ჯარიმების გადახდა წლების განმავლობაში ჭიანურდება.

აქედან გამომდინარე, მნიშვნელოვანია, დაკისრებული საჯარიმო სანქციების დაუყოვნებლივი აღსრულება. იმ შემთხვევაში, თუ სამედიცინო დაწესებულება აღნიშნულ საჩივარს არ ეთანხმება , მათ აქვთ უფლება, ეს ყველაფერი სასამართლოში გაასაჩივრონ და შესაბამის გადაწყვეტილებას დაელოდონ“, - განაცხადა ეკა ბოჭორიშვილმა.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი