თურქეთის თავდაცვის სამინისტროს განცხადებით, თურქეთის სპეცრაზმი კოსოვოში ნატოს მოთხოვნით გაემგზავრება.

თურქი კომანდოსები კოსოვოში გაემგზავრებიან "ნატოს გაერთიანებული ძალების სარდლობის მოთხოვნით ნეაპოლში (იტალია)". 65-ე მექანიზებული ქვეითი ბრიგადის ბატალიონი გადაიყვანება. ის ნატოს ძალების სარეზერვო ქვედანაყოფად არის დანიშნული.

სამხედრო უწყების განცხადებაში აღნიშნულია, რომ თურქეთი ყურადღებით ადევნებს თვალს ბალკანეთში განვითარებულ მოვლენებს, „სადაც ჩვენ გვაქვს საერთო ისტორიული და კულტურული ღირებულებები“. -ციტირებს განცხადება.

29 მაისს კოსოვოს პოლიცია და NATO-ს კოსოვოში განთავსებული KFOR-ის სამშვიდობო მისიის ძალები ადმინისტრაციულ შენობებს იცავდნენ ზვეჩანში, ლეპოსავიჩში, ზუბინ-პოტოკსა და მიტროვიცაში, ანუ ოთხ კომუნაში, სადაც გასულ თვეში ნაადრევი არჩევნები ჩატარდა. შედეგებს კოსოვოელი სერბები აკრიტიკებენ, რომლებიც ამ რეგიონებში უმრავლესობაში არიან. ამ ქალაქებში ასამბლეის წევრებისა და მერის პოსტებზე მხოლოდ ალბანელები ან არასერბი ეთნიკური უმცირესობების წარმომადგენლები დანიშნეს.

მძიმე შეტაკებები პოლიციასა და კოსოვოელ სერბებს შორის გასულ დღეებშიც მოხდა. 26 მაისს ათობით სერბი და ხუთი კოსოვოელი პოლიციელი დაშავდა. ამ მოვლენების პარალელურად, სერბეთმა კოსოვოს საზღვრების მახლობლად სამხედროები მაღალ მზადყოფნაზე გადაიყვანა.

კოსოვოელი სერბები ახალარჩეულ მერებს ხელს უშლიდნენ ადმინისტრაციულ შენობებში შესვლაში, რის პასუხადაც პოლიციამ მათ დასაშლელად ცრემლსადენი გაზი გამოიყენა და მაღალჩინოსნები შენობებში შევიდნენ.

პარასკევს, 26 მაისს სერბეთის პრეზიდენტმა, ალექსანდარ ვუჩიჩმა აღნიშნა, რომ "სერბეთი უსაქმოდ არ იჯდება, როცა ჩრდილოეთ კოსოვოში სერბებს თავს ესხმიან".

დაახლოებით 50 000 სერბი, რომელიც ჩრდილოეთ კოსოვოში ცხოვრობს და მთლიანი მოსახლეობის 5%-ს შეადგენს, კვლავ უარს ამბობს კოსოვოს ინსტიტუტებში მუშაობაზე, მათ შორის პოლიციაში, სასამართლოსა და მუნიციპალურ მთავრობებში. ამასთანავე, მათ აპრილის ადგილობრივ არჩევნებს ჩრდილოეთის ოთხ მუნიციპალიტეტში ბოიკოტი გამოუცხადეს. შედეგად, ეთნიკურ ალბანელებს საბჭოების კონტროლის შესაძლებლობა მიეცათ. 

ძირითადად ეთნიკური ალბანელებით დასახლებულმა კოსოვომ სერბეთისგან დამოუკიდებლობა 2008 წელს გამოაცხადა. ბელგრადმა რეგიონზე კონტროლი 1999 წელს, კონფლიქტში NATO-ს ინტერვენციის შემდეგ დაკარგა.

ავტორი: ექსპრესნიუსი,

სოციალური ქსელები

რუსეთის ფედერაციამ სუმის ოლქი დაბომბა: 5 დაღუპული, 11 დაჭრილი

სიბიგა - შევთანხმდით ორმხრივ ინტერესზე უკრაინა-საქართველოს ურთიერთობების ნორმალიზების კუთხით

CNN-ის დამფუძნებელი ტედ ტერნერი 87 წლის ასაკში გარდაიცვალა

რუსეთის ქალაქ რჟევში სახლებიდან, რომელსაც დრონები მოხვდა 350 ადამიანი ევაკუირებული იქნა