2023-05-31 08:51:25, 1360 ნახვა

---

ზელენსკი - უკრაინა განაგრძობს პარტნიორებთან კონსოლიდაციას, რათა ჩვენი საჰაერო თავდაცვა ეფექტური გახდეს

უკრაინა განაგრძობს პარტნიორებთან კონსოლიდაციას, რათა ჩვენი საჰაერო თავდაცვა მაქსიმალურად ეფექტური გახდეს,- ამის შესახებ უკრაინის პრეზიდენტმა, ვოლოდიმირ ზელენსკიმ ვიდეომიმართვაში განაცხადა.

ზელენსკის თქმით, რუსული ტერორის დამარცხება უკრაინის გრძელვადიანი უსაფრთხოების წყაროა.

„რუსული ტერორი უნდა დამარცხდეს ყოველდღე და ყოველ ღამეს უკრაინის ყველა რეგიონში, ყველა უკრაინული ქალაქისა და სოფლის ცაზე. როდესაც რუსი ტერორისტების ნებისმიერი თავდასხმა წარუმატებლად დასრულდება ტერორისტებისთვის, მათი დამარცხება გახდება ჩვენი გრძელვადიანი უსაფრთხოების წყარო. ახლა უკრაინაში, ჩვენს მიწაზე, ჩვენს ცაზე წყდება, თავისუფლება და ცივილიზაცია შეინარჩუნებს თუ არა გლობალურ ლიდერობას ამ საუკუნეში. ჩვენ ეს გადავწყვიტეთ ამერიკასთან ერთად, ევროპასთან ერთად, ყველა ჩვენს მოკავშირესა და პარტნიორთან ერთად. მადლობას ვუხდი ყველას მსოფლიოში, ვინც გვეხმარება“,- განაცხადა ზელენსკიმ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი